Sri Lanka Equity Forum
Dear Reader,

Registration with the Sri Lanka Equity Forum would enable you to enjoy an array of other services such as Member Rankings, User Groups, Own Posts & Profile, Exclusive Research, Live Chat Box etc..

All information contained in this forum is subject to Disclaimer Notice published.


Thank You
Sri Lanka Equity Forum

Discussion Forum for Stock Market Investors in Sri Lanka

සිංහල පරිවර්තනය
Contribute
Submit Post

Latest topics

» how mutch a good small trader get on average? 50% 100%
by KavinduTM Today at 9:33 am

» John Keells Holdings drags down Sri Lanka stocks
by fireshelter Today at 6:01 am

» Sri Lanka interest rates should go down, currency will not fall: Mark Mobius
by fireshelter Today at 5:56 am

» Sorry !!!!Tax cut stable gvt and trading do not go together
by Promoney Yesterday at 10:10 pm

» Make it your goal to stay positive in a negative market.
by Promoney Yesterday at 5:45 pm

» have to stop brokarage companys pump and dump (have to bring strict laws that any broker who trade go 10 years jail)
by ThilinaM Yesterday at 4:11 pm

» Pump and dump
by ThilinaM Yesterday at 3:48 pm

» ALL SHARE INDEX
by ThilinaM Yesterday at 2:59 pm

» ALLI. N game එක පටන් ගත්තා
by KavinduTM Yesterday at 2:00 pm

» Time to sell
by KavinduTM Yesterday at 1:48 pm

» Some FB friends asking what is the best broker and what is the best amount to invest
by ThilinaM Yesterday at 12:57 pm

» The past several days have been marked by trades starting to work only to reverse.
by KavinduTM Yesterday at 11:22 am

» COLO and DOCK Moving to 100
by KavinduTM Yesterday at 10:36 am

» TESS TRADING SUSPENTION...................
by Eugine Fernando Yesterday at 9:52 am

» Anyone please tell exact and deatail reason for bartleet ban???
by ThilinaM Yesterday at 9:27 am

» EAST WEST PROPERTIES PLC (EAST.N0000)
by Ahcha Yesterday at 8:54 am

» UK ELECTION
by Yahapalanaya Yesterday at 8:16 am

» GENERAL ELECTION - 2020
by Yahapalanaya Yesterday at 8:12 am

» VAT REDUCE WATER BILL UP
by CITIZEN Yesterday at 2:39 am

» UK ELECTION
by CITIZEN Yesterday at 2:39 am

» තැරැව්කාර සමාගමකට එරෙහිව කොටස් වෙළෙඳපොළ විනය ක්‍රියාමාර්ග ගනී
by Teller Yesterday at 1:31 am

POPULAR COMPANIES
A

ABANS ELECTRICALS PLC

ACCESS ENGINEERING PLC Hot

ACL CABLES PLC

ACL PLASTICS PLC

ACME PRINTING & PACKAGING PLC

AGSTAR PLC

AITKEN SPENCE HOTEL HOLDINGS PLC

AITKEN SPENCE PLC

ANILANA HOTELS AND PROPERTIES PLC

ARPICO INSURANCE PLC

ASIA ASSET FINANCE PLC

ASIA CAPITAL PLC

B

BAIRAHA FARMS PLC

BALANGODA PLANTATIONS PLC

BIMPUTH FINANCE PLC

BLUE DIAMONDS JEWELLERY WORLDWIDE PLC

B P P L HOLDINGS PLC

BROWNS BEACH HOTELS PLC

BROWNS INVESTMENTS PLC

C

CARGO BOAT DEVELOPMENT COMPANY PLC

CENTRAL INDUSTRIES PLC

CEYLON COLD STORES PLC

CEYLON GRAIN ELEVATORS PLC Hot

CEYLON TEA BROKERS PLC

CEYLON TOBACCO COMPANY PLC

CHEVRON LUBRICANTS LANKA PLC

COLOMBO FORT LAND & BUILDING PLC

COMMERCIAL BANK OF CEYLON PLC

CITRUS LEISURE PLC Hot

COMMERCIAL CREDIT AND FINANCE PLC

D

DANKOTUWA PORCELAIN PLC

DFCC BANK PLC

DIALOG AXIATA PLC

DIALOG FINANCE PLC

DIPPED PRODUCTS PLC

DISTILLERIES COMPANY OF SRI LANKA PLC

DUNAMIS CAPITAL PLC

E

EAST WEST PROPERTIES PLC Hot

EASTERN MERCHANTS PLC

EXPOLANKA HOLDINGS PLC

E-CHANNELLING PLC

F

FIRST CAPITAL HOLDINGS PLC

G

GALADARI HOTELS (LANKA) PLC

GUARDIAN CAPITAL PARTNERS PLC

H

HATTON NATIONAL BANK PLC

HAYLEYS PLC

HAYLEYS FABRIC PLC

HAYLEYS FIBRE PLC Hot

HEMAS HOLDINGS PLC

HIKKADUWA BEACH RESORT PLC

HNB ASSURANCE PLC

HVA FOODS PLC

J

JANASHAKTHI INSURANCE COMPANY PLC

JOHN KEELLS HOLDINGS PLC Hot

JOHN KEELLS HOTELS PLC

L

LANKA ASHOK LEYLAND PLC

LANKA IOC PLC

LANKEM CEYLON PLC

LANKEM DEVELOPMENTS PLC

LAUGFS GAS PLC

LAUGFS POWER LIMITED

LOLC FINANCE PLC

LOLC HOLDINGS PLC

LUCKY LANKA MILK PROCESSING COMPANY PLC

M

MELSTACORP PLC

N

NATIONAL DEVELOPMENT BANK PLC

NATION LANKA FINANCE PLC

NESTLE LANKA PLC

O

ORIENT FINANCE PLC

OVERSEAS REALTY (CEYLON) PLC

P

PANASIAN POWER PLC

PEOPLE'S LEASING & FINANCE PLC

PIRAMAL GLASS CEYLON PLC

PRIME FINANCE PLC

R

RAIGAM WAYAMBA SALTERNS PLC

RENUKA AGRI FOODS PLC

RENUKA CAPITAL PLC

RENUKA HOLDINGS PLC

RICHARD PIERIS AND COMPANY PLC

RICHARD PIERIS EXPORTS PLC Hot

ROYAL CERAMICS PLC

S

SAMPATH BANK PLC

SEYLAN BANK PLC

SIERRA CABLES PLC

SINGHE HOSPITALS PLC Hot

SMB LEASING PLC

SOFTLOGIC HOLDINGS PLC

SOFTLOGIC LIFE INSURANCE PLC

SRI LANKA TELECOM PLC

SWISSTEK (CEYLON) PLC Hot

T

TEEJAY LANKA PLC

TESS AGRO PLC

THREE ACRE FARMS PLC

TOKYO CEMENT COMPANY (LANKA) PLC Hot

U

UNION BANK OF COLOMBO PLC

V

VALLIBEL FINANCE PLC

VALLIBEL ONE PLC Hot

VALLIBEL POWER ERATHNA PLC

W

WASKADUWA BEACH RESORT PLC

Advertise

You are not connected. Please login or register

Sri Lanka Equity Forum » Stock Market Talk » කොටස් වෙළඳපොළේ කතා » කොටස් වෙළදපොල සිංහලෙන්

කොටස් වෙළදපොල සිංහලෙන්

Go to page : Previous  1, 2, 3, 4, 5, 6  Next

Go down  Message [Page 3 of 6]

K.Haputantri


Co-Admin
@milanka wrote:
@K.Haputantri wrote:අගැයීම ගැන ස්තූතියි chap.

Some time back (3,4 yrs ago ) , I did search for  books on this subject at reputed book shops in Colombo. Couldn’t find any   books for beginners.

You are doing  a great service. Keep it up.
ස්තූතියි. බොහෝ දෙනාගේ ඉල්ලීම පරිදි, තවත් විස්තර සහිතව පොතක් හැටියට පසුව එලි දක්වනවා.

K.Haputantri


Co-Admin
ආයුබෝවන්! මේ මස පලමු දිනම මෙම පාඩම පල කිරීමට නොහැකිවූයේ මා කොළඹින් බැහැර සිටි හෙයිනි. ඒ ගැන කනගාටු වෙමි. මේ ගැන මතක් කොට පණිවුඩ එවූ අයට ස්තුතියි.

පාඩම 4 - කොටස් වෙළඳපල ආයෝජන මූලික ක්‍රමෝපාය

අයෝජන විවිධාංගකරණ තීරණ ගැනීමෙන් පසු එලඹෙන්නේ බොහෝ ආයෝජකයන් ඉතා පහසු කරතව්‍යයක් යයි සිතා නිතරම වරද්දා ගන්නා වැදගත්ම පියවර වන කුමන සමාගම් වල කොටස් කුමන වේලාවට කුමන මිලට මිලදී ගත යුතුද යන තීරණය ගැනීමය. තීරණය ගෙන ක්‍රියාත්මක කල පසුව එය වැරදුනි නම් නිවරද කිරීම එතරම් පහසු නැත. මූලික කොටස් නිකුතු වලදීද (Primary Market) දවිතීයක වෙළඳපලෙහිදීද (Secondary Market) ලැයිස්තුගත සමාගම්වල කොටස් මිලට ගත හැකි අවස්තා එළඹෙයි.

මූලික කොටස් නිකුතුවලට ප්‍රථමයෙන්ද ඇතැම් සමාගම් පෞද්ගලික මට්ටමින් කොටස් නිකුත් කරනු දකින්නට ලැබෙයි (Private Placements). බොහෝ විට පෞද්ගලික මට්ටමින් කොටස් නිකුත් කෙරෙනුයේ අධ්‍යකෂ මණඩලය විසින් තෝරාගත් පිරිසක් අතර බැවින් එය සාමාන්‍ය ආයෝජකයාට විවෘත නැත. එහෙත් ඒ පිළිබඳ අවබෝධයක් ආයෝජකයාට තිබිය යුතු වන්නේ මූලික කොටස් නිකුතුවෙහිදී මහජනයාට කොටස් නිකුත් කරන මිලට වඩා බොහෝ අඩු මුදලකට පෞද්ගලික මට්ටමින් කොටස් නිකුතුවලදී තෝරාගත් පිරිසකට පමණක් කොටස් නිකුත් කරන හෙයින් සාමාන්‍ය ආයෝජකයනට බලවත් අසාධාරණයක් ඇතිවන හෙයින් සහ පාඩුද ඇතිවිය හැකි හෙයිනි. නව නීති අනුව මෙසේ පෞද්ගලික මට්ටමින් නිකුත්කරන කොටස් නිකුත්කල දින සිට වසරක කාලයක් ද්විතීයක වෙළඳපොලෙහි විකිනීම වලකා ඇති නමුදු එම කොටස් හිමියන්ටම අයත් අනෙකුත් කොටස් විකිනීමේ කිසිදු තහනමක් නොමැති හෙයින් මෙම නීතියෙහි බරපතල හිඩැසක් තිබෙන බව පෙනේ.

උදාහරණයක් වශයෙන් සමාගම ලැයිස්තුගත කිරීමට ප්‍රථමයෙන් එම සමාගමේ කොටස් 150,000 ක් කොටසක් රැ:10.00 බැගින් මිලට ගත් අයෙකු පෞද්ගලික මට්ටමින් කොටස් නිකුතුවේදී තවත් කොටස් 100,000 ක් රැ: 12.00 බැගින් මිලට ගත් විට ඔහුට වසරක් යන තෙක් විකිනීමට නොහැක්කේ කොටස් 100,000 ක් පමනි. ඉතිරි කොටස් 150,000 අවශ්‍ය විටෙක විකිනිය හැකිය. මූලික කොටස් නිකුතුවේදී කොටසක් රැ: 35.00 බැගින් නිකුත් කරන විට ඔහුගේ කොටස්වල සාමාන්‍ය වියදම රැ: 35.00 ට වඩා බොහෝ අඩු බැවින් (රැ: 10.80ක් පමන) මූලික කොටස් නිකුතුවෙන් පසුව ගණුදෙනු ඇරඹෙන ප්‍රථම දිනයේදීම රැ: 35.00 ට වඩා අඩු මිලකට තම කොටස් වලින් 150,000 ක්ම විකුණා ඉහල ලාභයක්ද ලැබීමට ඔහුට පිළිවණ.

මේ හේතු කොටගෙන මෑතකදී මූලික කොටස් නිකුතු වලදී කොටස් මිලට ගත් ආයෝජකයනට මහත් පාඩු විඳින්නට සිදුවිය. එබැවින් මෑතකදී පලමු ගනුදෙනු දිනයේදීම මූලික කොටස් නිකුතු මිලට වඩා අඩු මිලකට කොටස් මිලට ගැනීමට හැකි අවස්තා උදාවිය. මේගැන අප පරෙස්සම් විය යුත්තේ එබැවිනි.
 
ආයෝජනය සඳහා තීරණ ගැනීමේ දී පහත විස්තර කෙරෙන මූලික ක්‍රමෝපාය නිර්දය ලෙස අනුගමනය කල යුතු වෙයි. එය සෑම අවස්ථාවකදීම දිව්‍ය මන්ත්‍රයක් සේ සිහි තබාගෙන ඒ අනුව ක්‍රියාත්මක විය යුතුය.

මූලික ක්‍රමෝපායක අත්‍යවශ්‍ය අංගයන් වන්නේ නිසි ආයෝජන වල නිසි කලට නිසි මිල මට්ටමේදී මුදල් යෙදවීම සහ තම හැඟීම් හා කෑදර කම පාලනය කර ගනිම්න් නිසි වේලාවට නිසි මිලට ලඟාවූ විට ලාභය අතට ලබා ගැනීමය.


මෙහිලා නිසි ආයෝජන යනු සුදුසු අධ්‍යනයකින් පසුව තෝරා ගන්නා අනාගතයේ දී අගය ඉහල යාමට ඉඩ ඇති වැඩෙමින් පවතින සමාගම් වල කොටස් මිලට ගැනීමය. මේ පිළිබඳ සාකච්ජාවක් පසුවට කෙරෙන හෙයින් මෙහිදී ඔබගේ අවධානය අනෙකුත් අනෙකුත් මූලික ආයෝජන ක්‍රමෝපාය සහ වෙළඳපල අනීතික පරිචය කෙරෙහි පමණක් යොමුකර ඇත. මෙහි සාකච්ජා කෙරෙනුයේ දිගු කාලීන ආයෝජක පරිචයකි. කෙටිකාලීන ලාභ අපේක්ෂාවෙන් සමපේක්ෂණය කරමින් (Speculation) නවක ආයෝජකයන් තම මුදල් නොයෙදවිය යුතු වන්නේ එය ඉතා අවදානම් සහගත ක්‍රියාවක් බැවිනි.

නිසි කලට නිසි මිලට යනුවෙන් අදහස් කරන්නේ රටෙහි අනාගත ආර්ථික සංවර්ධනය පිළිබඳ යහපත් බලාපොරොත්තු ඇති කෙරෙන සමාජ ආර්ථික ප්‍රතිපත්ති මුල්බැසගෙන ඇති පසුබිමෙක කිසියම් හේතුවක් නිසා ඇතිවූ තාවකාලික වෙළඳපල පසුබෑමක් වැනි කරැණක් හේතුකොටගෙන අප විසින් ආයෝජන විවිධාංගකරණ සාකච්චාවේදී විස්තර කර ඇති පරිදි තෝරාගත් සමාගමේ වල කොටස් මිල පහත බැස ඇති අවස්ථාවේදී අවම මිලට කොටස් මිලයට ගැනීමය. වඩාත්ම සුදුසු අවස්ථාව නම් වෙළඳපල පතුලටම බැස ඇති අවස්ථාවේදී මිලට ගැනීමය.

වෙළඳපල පතුල (Market Bottom) නිර්ණය කිරීම එතරම් ලෙහෙසි පහසු කරැණක් නොවේ. එහිලා තම පලපුරැද්ද සහ විවිධ තාක්ෂණික විශ්ලේශණ පාවිච්චි කල හැකිය. එහෙත් කිසිදු ආකාරයකට වෙළඳපල පතුල කුමන අවස්ථාවක එළඹ තිබේද යන්න කිසිවෙකුට ස්ථිර ලෙස ප්‍රකාශකල නොහැකිය. වෙළඳපල පතුල කිවහැකි පළිඟු බෝලයක් (Cristal Ball) තවමත් කිසිටවෙකු නිපදවා නොමැති බව සිහි තබාගත යුතුය. එවැනි දැණුම ඇති බවට ප්‍රකාශ කරන අයවලුන්ගෙන් ප්‍රවේසම් වීමට ආයෝජකයන් වග බලාගත යුතුය. එවැනි දැනුමක් ඇත්නම් ඔවුනට එම දැණුම යොදා කෝටිපතියන් වියහැකි බවත් ලොවට ප්‍රකාශ නිකුත් නොකරන බවත් සිහිතබා ගත යුතුය.

කෙසේ වෙතත් දෛනික වෙළඳපල වාර්තාවල එක් එක් කොටස්වල මිල පිළිබඳ ඉතිහාසය මත පදනම්වූ නිවැරදි තත්ත්ව පිළිබඳ දත්ත වාර්තා කෙරේ. උදාහරණයක් ලෙස පසුගිය වසර තුල අවම මිලට යම් කොටසක් ලඟාවූ විට එම කොට‍සෙහි මිල දැඩි ලෙස පහල බැස ඇති බවට සාමාන්‍යයෙන් නිගමනය කල හැකිය. එබැවින් එම අවස්ථාව මිල පහල බැස ඇති සමාගමේ කොටස්වල ආයෝජනයට ඉතාම සුදුසු අවස්ථාවකැයි කිව හැකිය. කෙසේ වෙතත්, එකී මිල පහල යාමට හේතුවූ එකී සමාගමට විශේෂිත හේතුවක් තිබුණිදැයි සොයා බැලීමද වැදගත්ය. උදාහරණ වශයෙන් කිසියම් සමාගමක ඉපයීමේ හැකියාව හීන කෙරෙන නැවත සිදුවෙතැයි අනපේක්ෂිත කිසියම් හදිසි සිදුවීමක් නිසා හෝ ලඟදී මුදල් අය නොකොට කොටස් ප්‍රමාණයක් යම් අනුපාතයක් අනුව ලබාදීම (Bonus Issue) හෝ කොටස් විභේදනය (Share Split) හෝ නිසා සංසරණයවන කොටස් පුමාණය දෙගුණ තෙගුණ වීම නිසාවන මිල පහල යාමක් මෙහිලා නොසලකා හැරිය යුතු වෙයි.
 
කිසියම් සමාගමක කාර්ය්‍යසාධකතාව සහ අනාගත ඉපයුම් පිලිබඳ සැක සංකා ඇතිවූ විට ද ඉල්ලුම පහල ගොස් සැපයුම ඉහල යාමෙන් (විකුණුම් කරැවන් අධික වීමෙන්) කොටස් මිල අවම වූ අවස්ථාවක වෙනත් නිර්නායක අධ්‍යයනය නොකොට එම කොටස් මිලට ගැනීම අවාසිදායක විය හැකිය. ඇතැම් විට හදිසි මිල පහල යාමක් කොටස් විභේදනය කිරීම (Share Split) හේතු කොට ගෙන සිදුවිය හැකිය. එවැනි අවස්ථාවලදී ද මිලට අමතරව වෙනත් නිර්ණායක සැලකිල්ලට නෙගෙන මිලදී ගැනීමේ තීරණ නොගත යුතුය.

සමාන්‍යයෙන් අප උනන්දුවක් දක්වන ව්‍යාපාර වස්තුවෙහි මිල අඩුතරමින් එහි නෛසර්ගික වටිනාකමට (Intrinsic Value) හෝ ඊට අඩුවූ විට එම කොටස් මිලට ගැනීම ඥානාන්විතය. ඒ පිළිබඳව විස්තරාත්මකව පසුව සාකචිජා කෙරේ.

කොටස් වෙළඳපල තුල ක්‍රියාත්මක වන පුම්බා අත් හැර දැමීම (Pump & Dump) වැනි ඇතැම් අනීතික පරිචයන් හේතු කොටගෙනද කිසිදු මූලධර්මමය හේතුවක් නොමැතිව අස්වාභාවික ලෙස කොටස්වල මිල කෙටිකාලීනව උච්ජාවචනය විය හැකිය. මෙම අනීතික ක්‍රියාව වෙළඳපල තුල සංවිධානාත්මකව ක්‍රියාත්මක වන සුලුපිරිසක් විසින් නවක ආයෝජකයන් ඉලක්ක කොට කෙරෙන හෙයින් ඒ පිළිබඳවද මනා අවධානයෙන් ඹබ සිටිය යුතුය.

මෙම අනීතික කටයුත්ත සඳහා ඔවුන් තෝරා ගන්නේ වටිනාකමින් අඩු කොටස් සහිත සමාගම් ය. කොටස් මිල පිම්බීමේ පලමු පියවර (First stage of pumping shares) ලෙස එම කොටස් අවම මිලට ගන්නා මෙම කණඩායම පසුව සමාගම පිළිබඳව මාධ්‍ය මගින් ප්‍රචාරයක් ලබාදී ඔවුනොවුන් අතර කොටස් මිල ක්‍රමානුකූලව වැඩිකරමින් ගනුදෙනු කරති. මෙම මිල වැඩිවීම දෙවැනි පියවරේදී (Second stage of pumping shares) සමපේක්ෂක ආයෝජකයන්ගේ (Speculative Investors) අවධානය ලබා ගැනීමට සමත් වෙයි. ඔවුහු මෙය කෙටිකාලීන ආයෝජන අවස්ථාවක් සේ සලකා විශාල වශයෙන් මිලට ගැනීමට තැත් කරති. එහි ප්‍රතිඵලයක් ලෙස කොට‍සෙහි මිල තව දුරටත් ඉහල යයි. තුන්වන පියවරෙහිදී (Third stage of pumping shares) මෙම තත්ත්වය නවක ආයෝජකයන්ගේ ද අවධානයට ලක් වෙයි. මේ වන විට ඇතිවන අධික ඉල්ලුම හේතු කොටගෙන කොටසෙහි මිල තවදුරටත් අසීමිත ලෙස ඉහල යයි.

දැන් එළඹ ඇත්තේ මූලික කණඩායම තම කොටස් වෙළඳ පලෙහි අත්හරින අවස්ථාවයි (Dumping stage). ඔවුහු තමන් අඩු මිලට ගත් කොටස් ක්‍රමාණුකූලව ඉහල මිලකට මෙම අවස්ථාවේ දී විකුණා අසීමිත ලාභයක් ලබති. මේ සමගම අදාල කොටසේ මිල දැඩි ලෙස පහල යන බැවින් මෙම කොටස් ඉහල මිලකට ගෙන රඳවා ගන්නා තැනැත්තන්ට ඉමහත් පාඩු සිදු වෙයි. අවසානයේදී මිල පහල යන විට මිලට ගන්නා අයට වුවද ලාභයක් ලැබීමට ඉතා දීර්ඝ  කාලයක් බලා සිටින්නට සිදු වෙයි. එබැවින් නවක ආයෝජකයන් මෙම උගුලෙහි හසු නොවීමට ප්‍රවේසම් විය යුතුය.

නිසි වෙලාවට නිසි මිලට ලඟාවීම යන්නෙන් අදහස් කරන්නේ තමන් සතු කොටස්වල මිල තමන් කලින් අපේක්ෂිත මිල මටිටමට ලඟාවූ විටය. හැඟීම් සහ කෑදරකම තම තීරණ කෙරෙහි බරපතල ලෙස හරස් වන්නේ මෙම තීරණය ගන්නා විටදී ය. එබැවින් පෙර සැලැස්මකට අනුව නිර්ලෝභීව තීරණ ගැනීමට ආයෝජකයකුට හැකිවිය යුතුය. වෙළඳපල උච්චතම අවස්ථාවට තම කොටස් විකිණිය හැකිනම් ඉහලම ප්‍රතිලාභ ලබාගත හැකි වුවද එම අවස්ථාව කිසිවෙකුට කලින් කිව නොහැකි ය. දෛනික වෙළඳපල වාර්තාවල පසුගිය වසර තුල උපරිම මිලට යමි කොටසක් ලඟාවූ විට වාර්තා කෙරේ. එවිට බොහෝ ආයෝජකයෝ තම ආයෝජන විකිණීමට පෙළඹෙති. සමහර විට අධික ලෙස කොටස් විකිණීමේ ප්‍රවනතාව හේතුකොටගෙන කොටස් මිල සීඝ්‍රයෙන් පහල බසින්නටද ඉඩ තිබේ. එබැවින් නුවනැති ක්‍රයාව වන්නේ තම දැනුම පලපුරැද්ද අනුව කලින් නිගමණය කල ඉලක්කය ලඟාවූවිට ආයෝජන විකිණීමය. මෙම මිල මට්ටම නිගමනය කිරීමට බොහෝ විට කොටසක නෛසර්ගික අගය යොදා ගැනීම සුදුසු යයි විශ්වාස කෙරේ. එනම් අප මිලදීගෙන ඇති ව්යාසපාර වස්තුව එහි නෛසර්ගික අගයට වැඩි වූ විට තම කොටස් විකුණා ලාභ ලබා ගැනීම සුදුසුය.
මෙහිලා විස්තර කරන ලද්දේ දිගුකාලීන ආයෝජනයෙහි යෙදෙන අක්‍රීය ආයෝජක පරිචයකි (Passive investor practice). මෙහිදී කෙටිකාලීනව වෙළඳපල තුල ඇතිවන උච්ජාවචන නොසලකා හරිනු ලැබේ. මේ හේතු කොටගෙන අක්‍රීය ආයෝජකයාට කෙටිකාලීනව වෙළඳපල තුල ඇතිවන ආයෝජන අවස්ථා රාශියක් මඟහැරෙන බවට සහ ආවස්තික පිරිවැයක්ද (Opportunity Cost) දරන්නට සිදුවන බවට විවේචන එල්ල කෙරේ. එනමුදු නවක ආයෝජකයකුට අවදානම අඩු සහ ඉතාම සුදුසු ආයෝජන පරිචය අක්‍රීය ආයෝජනයයි. දැනුම සහ පලපුරැද්ද ලබාගත් පසුව නවකයෙකුට වඩාත් ලාභ ගෙන දෙන අවදානම් සහගත ක්‍රමවේද උරගා බැලිය හැකිය.  

සක්‍රීය ආයෝජන පරිචයෙහි (Active investor practice) යෙදෙන ආයෝජකයෝ කෙටිකාලීන හා මධ්යයකාලීන ආයෝජන පරාසයක තම ආයෝජන මෙහෙයවමින් කොටස්වල මිල තමන් ගත් මිලට වඩා 10% ක් යම් හෙයකින් අඩු වූ විට පාඩු පිට විකුණා දමා පාඩුව අවම කර ගනිති. මෙ මගින් කොටසේ මිල තව තවත් පහතට යාමෙන් ඇති වියහැකිව තිබූ පාඩුව වලකා මිල බෙහෙවින්ම පහලට ගිය විට නැවත මිලට ගනිති. එවිට විකුනන ලද කොටස් සංඛ්‍යාකවට වඩා වැඩි කොටස් සංඛ්‍යාවක් අතැති මුදලින් ගත හැකිබව ඔවුහු විශ්වාස කරති. ඔවුන් සැම විටම මුදලේ ආවස්තික පිරිවැය කෙරෙහි සැලකිලිමත් වෙති. මෙය පලපුරැදු ආයෝජකයෙකුට මිස නවකයෙකුට උචිත ආයෝජන පරිචයක් නොවන හෙයින් පරෙස්සම් විය යුතුය.

nihal123


Manager - Equity Analytics
Manager - Equity Analytics
දිගටම ඉදිරියට යන්න

ස්තුතියි
අති විශිෂ්ඨයි සර්

K.Haputantri


Co-Admin
උගෙනීමට ඇති ඔබගේ උනන්දුව අගයමි. study Very Happy 

K.Haputantri


Co-Admin
පාඩම 5-

ලොව ප්‍රකට විද්වතුන්ගේ ආයෝජන උපායමාර්ග


වරන් බුෆෙ (Warren Buffett), පීටර් ලින්ච් (Peter Lynch), සහ බෙනජමින් ග්‍රෙහැම් (Benjamin Graham) ලොව සුපතල සාර්ථක ආයෝජකයෝ වෙති. ඔවුන්ගේ ආයෝජන උපායක්‍රම අද බොහෝ ආධුනිකයෝ අනුගමනය කරති. මෙම පාඩම මගින් ඒ පිළිබදව කෙටි හැදින්වීමක් කිරීමට අදහස් කලේ වැඩිදුර අධ්‍යයනය සදහා ඔබ පොලඹවාලීමේ අටියෙනි.



අමෙරිකා එක්සත් ජනපදයේ ඔමාහා ප්‍රදේශයේ වෙළඳපල පිළිබඳ අනාවැකි කියන්නා ලෙස (Oracle of Omaha USA) විරැදාවලි ලත් වරන් බුෆෙ (Warren Buffett) වටිනාකම මත ආයෝජනය කිරීම (Value Investing) පිළිබඳව ආයෝජකයන්ගේ අවධානය යොමු කල විද්වතෙකි. වරක් ඔහු තම උපාය ක්‍රමය ඉතා සරලව පහත දැක්වෙන ප්‍රකාශයෙන් හකුලා දැක්වීය.


බොහෝ කලකට පෙර බෙන් ග්‍රෙහැම් මට උගැන්වූ පරිදි ඔබ ගෙවන්නේ මිලකි. ඔබට ලැබෙන්නේ වටිනා කමකි.’  එහෙයින් අප මිලදී ගන්නේ කොටස් හෝ වේවා මේස් කූටිටමක් හෝ වේවා, ඉහලම තත්ත්වයේ භාණඩ අවම මිලට ලකුණුකර ඇතිවිට පමණක් මිලට ගැනීමට මම කැමතිවෙමි.
 
මෙයින් අදහස් වන්නේ ආයෝජකයන් තම ඉතුරැ කිරීම් ආයෝජනය කිරීමට කලබල නොවී ඉවසීමෙන් යුතුව හා පරීක්ෂාකාරීව කාර්යසාධකතාව මත තෝරාගත් සමාගමේ කොටස් මිල පහල මට්ටමට එනතෙක් බලා සිටිය යුතු බවය. කොටස් මිලට ගැනීමට ඉතා නිවැරදිම වේලාව නම් තමන් කල් ඇතිව හඳුනාගත් සමාගමේ කොටස් ම්ල අවශෙෂ සමාගම්වල කොටස් හා සැසඳූ කල වට්ටමක් සහිතවූ මිලක් වන විටය.


වරන් බුෆේ ගේ තවත් සුප්‍රසිද්ධ කියමනක් නම් වෙනත් ආයෝජකයන් භීතියට පත්වූ කල ඔබ කෑදර විය යුතුය (Be greedy when others are fearful.) යන්නයි. මෙහි සරල තේරැම නම් වෙනත් ආයෝජකයන් බියට පත්ව වෙළඳපල කුනාටුවෙන් පලායන විට උකුසු ඇසින් නිරීක්ෂණය කොට අයෝජකයකු ලෙස කේවල් කිරීමේ මිලට කොටස් ගැනීමේ අවස්ථාවන් ඔබට උදාවන හෙයින් එවන් අවස්ථාවලින් මහඟු ඵල නෙලා ගත යුතු බවය.


කෙසේ වෙතත් බොබ් ෆෙරල් (Bob Farrel) වරක් ප්‍රකාශ කල පරිදි සාමාන්‍ය ආයෝජකයෝ බොහෝ විට කොටස් මිල ඉහල මට්ටමක පවතිනවිට වැඩිවශයෙන් මිලට ගැනීමටද මිල පහල මට්ටමක පවතින විට අඩුවශයෙන් මිලට ගැනීමටද පෙළඹෙති. එහෙයින් සාර්ථක ආයෝජනයක් සඳහා අවශ්‍ය වන්නේ මෙම සාවද්‍ය උපනතිය ආපසු හැරවීමය.


වරන් බුෆෙ වරෙක මෙසේද පැවසීය. මම අඩි හතේ දුශ්කර කඩුලු පැනීමට බලාපොරොත්තු නොවෙම්: මා සොයම්න් සිටින්නේ මට පහසුවෙන් පියවර එසවිය හැකි අඩියක පමණ වූ කඩුලුය. මෙම ප්‍රකාශයෙන් ද ඔහු මතුකර දක්වන්නේ කොටස් මිල පහලටම පැමිණි විට සුදුසු සමාගම් වල කොටස් කේවල් කිරීමේ මිලට ගැනීම ඔහුගේ උපායක්‍රමය බවය. එමෙන්ම, මිල ඉහල ගියවිට කොටස් විකුනා ලාභ අතට ගැනීමටද පසුබට වියයුතු නොවේ. නොඑසේව, මිල අසාමාන්‍ය ලෙස ඉහල යනවිට දිගින් දිගටම මිලට ගැනීම හෝ මිලටගත් කොටස් තබාගෙන සිටීම හෝ විනාශකාරී ප්‍රතිඵල ඇති කරන්නක් වෙයි. හේතුව, මිල පහලට එනවිට තම සියලු ලාභ ඒ සමගම දියවී යන හෙයිනි. එය වරන් බුෆේ ප්‍රකාශකල පරිදි නිරැවත්ව පිහිනන්නේ කවුරැන්ද යන්න පැහැදිලි වන්නේ වඩදිය බැස ගිය විට පමණි.


ඔහු තම ආයෝජන දීර්‍ඝකාලීන යෙදවුම් (Long Term Investments) ලෙස සැලකීය. කෙටිකාලීන ලාභ (Short term Profits) සඳහා සමපෙකෂණය (Speculation) ඔහු නිර්දේශ නොකලේය. වරක් ඔහු ප්‍රකාශකල පරිදි කිසිවකු අද ගසක් යට සෙවනේ හිඳගෙන සිටින්නේ යමෙක දිගු කලකට පෙර එම ගස සිටවූ හෙයිනි. කොටස්වල ආයෝජනය කෙටිකාලීනව මුදල් ඉපයීමේ මාර්ගයක් නොවේ. එය දිගුකාලීනව මුදල් ඉපයීමේ යාන්ත්‍රණයකි.


ඔහුගේ අදහස අනුව පහල කාර්යසාධකතාවක් ඇති සමාගමක් විශ්මයජනක ලෙස අඩු මිලකට ගන්නවාට වඩා විශ්මයජනක ලෙස ඉහල කාර්යසාධකතාවක් ඇති සමාගමක් සාධාරන මිලකට ගැනීම වටනේය. මින් අදහස් කරන්නේ මිල අඩු වුවත් ප්‍රමාණවත් කාර්යසාධකතාවක් පෙන්නුම් නොකරන දුර්වල සමාගම්වල කොටස් පසුපස හඹායාම වැනි සමපෙක්ෂණ ගනුදෙනු ඔහු අනුමත නොකරන බවය.


කොටස් වෙළඳපල ආයෝජනයේදී පර්යේෂණ ඇසුරැ කිරීම අත්‍යවශ්‍යවෙයි. ඔහු ඉතා විචිත්‍රව ප්‍රකාශ කර ඇති පරිදි පර්යෙෂණ ඇසුරැ නොකොට ආයෝජනය කිරීම හරියට කඩදාසි අත දෙස නොබලාම බොරැ විලාසිතාවට මෙන් පෝකර් ක්‍රීඩාව කිරීම හා සමාන ය.


පීටර් ලින්ච් (Peter Lynch) ගේ ආයෝජන දර්ශණය අනුව තම මුදල් ආයෝජනය කිරීමෙන් කිසියම් අවදානමකට මුහුණදීමට ප්‍රථම කිසියම් සමාගමක මූල්‍ය තත්ත්වය හොඳින් හඳුනා ගතයුතු වන්නේ සමාගමේ ද්‍රවශීලතාව ඉතා වැදගත් කරැණක් වන බැවිනි. ඔහු වරක් ප්‍රකාශ කල පරිදි සෑම කොටසක් පිටුපසම සමාගමක් ඇත. එම සමාගම කරන්නේ කුමක්දැයි සොයා බලන්න. ජීවිතකාලයක් තුල කරන ලද ආයෝජන අර්ථාන්විත හා ලාභදායී වීමට අවශ්‍ය වන්නේ සාර්ථක සමාගම් කිහිපයක් පමණි. තම මුදල් සාර්ථක සමාගම් කිහිපයක පමණක් අයෝජනය කිරීමේ වැදගත් කම හා අධ්‍යයනයකින් පසුව එකී සමාගම් හඳුනා ගැනීමේ වැදගත්කම ඔහු අවධාරණය කරයි.


බෙන්ජමින් ග්‍රෙහැම්ගේ (Benjamin Graham) ආයෝජන දර්ශණය වන නිරායාස අගය හෙවත් නෛසර්ගික අගය (Intrinsic Value) යන්නෙන් අදහස් කරන්නේ මුදල් (Currency) වට්ටම්කල මිලකට (Discounted Value) හෝ ශුද්ධ වර්තමාන අගයට හෝ (Net Current Asset Value) මිලට ගැනීමය. එමගින් ආයෝජකයනට කිසිදු පාඩුවක් ඇති නොවේ. කිසියම් පොදු සමාගමක කොටසක් එකී සමාගමේ කාරක ප්‍රාග්ධනයෙන් තුනෙන් දෙකකට හෝ ඊට අඩු මිලකට හෝ මිලට ගතහැකිනම් ද, සමාගමේ ඉපයුම් වාර්තා යහපත් නම් හා සමාගමේ අනාගත දියුණුව සතුටුදායක නම් ද ආයෝජකයාට තමන් ආයෝජනයකල මුදලට වඩා ඉහල ප්‍රතිලාභ ලැබෙතැයි විශ්වාස කිරීමට තරම් ශක්තිමත් හේතු තිබේ.



ග්‍රෙහැම්ගේ මෙම ආයෝජන මූලධර්‍මය කලක් තිස්සේ ලාභාංශ ලබාදෙන සමාගම් වල විශෙෂයෙන් වසර 20ක් පමන නොවලහා ලාභාංශ ලබාදුන් සමාගම් වල ආයෝජනය කිරීම නිර්දේශ කරයි. එවිට කොටස් වෙළඳපල තාවකාලික පසුබෑමනට ලක්වුවද ආයෝජකයාට ලාභාංශ ලෙස ප්‍රතිලාභ ලැබෙන දිනයක් ස්ථිරවම තහවුරැ වෙයි.


ඔහුට අනුව ආයොජන මෙහෙයුමක් යනු දැඩි විශ්ලේශනයකින් පසුව කෙරෙන, ප්‍රමාණවත් ආදායමක් නිශ්චිතව ලැබෙන බවට සහතිකවන, යොදවනු ලබන මුලු මුදලේ ආරක්ෂාව සැලසෙන මුදල් යෙදවීමකි. මෙම නිර්නායක සතුටට පත් නොකෙරෙන ආයෝජන මෙහෙයුම් සියල්ල සමපෙක්ෂණයන් (Speculations) වෙති. ග්‍රෙහැම්ගේ මෙම සංකල්පනාවෙන් පැහැදිලි කරන්නේ නිසි අධ්‍යයනයකින් හඳුනාගන්නා සමාගම්වල වටිනා කොටස් වල (Value Stocks) ආයෝජනයෙහි ඇති වැදගත් කමය.       


කොටස් වෙළඳපල තුල ඇතිවන මිල ඉහල පහල යාම ගැන ඔහුගේ අදහස් හඳුනා ගැනීම වටනේය. වෙළඳපල මිල මට්ටම ඉහල පහල යාම පිළිබඳව සත්‍ය ආයෝජකයාට ඇත්තේ එක් වැදගත් තේරැමක් පමණි. මිල දැඩිලෙස පහල ගිය විට නැනවත්ව කොටස් මිලට ගැනීමටද මිල දැඩිලෙස ඉහල ගිය විට තම ආයෝජන නැනවත්ව විකිණීමටද ඔහුට ඉන් මහඟු අවස්ථා සැලසෙයි. එබැවින් මිල ඉහල පහල යාම් අප සැලකිය යුත්තේ අප විසින් සකසා ඇති ඉලක්ක ලඟාකර ගැනීම සඳහා ලැබෙන මහඟු අවස්ථාවන් ලෙසය.


මිල මට්ටම පහල යනවිට අසන්නට ලැබෙන සුපුරැදු අවලාද වලින් පැහැදිලි වන්නේ බොහෝ ආයෝජකයෝ සමපේක්ෂනයෙහි යෙදෙන කෙටිකාලීන ආයෝජකයන් බවය. සමපේක්ෂණයෙහි යෙදිය හැක්කේ තාක්ෂණික විශ්ලේෂණයෙහි හසල දැණුමක් ඇති අයට පමණි. නවකයනට එය සුදුසු නොවේ.

NUINTH


Senior Equity Analytic
Senior Equity Analytic
Thanks Hapu your effort & time for educate us. It is very easy to understand with our mother language & simple sentences.

LSE

LSE
Senior Manager - Equity Analytics
Senior Manager - Equity Analytics
ඔබතුමාගේ මෙම විශිෂ්ඨ සේවය ඉතා අගයකොට සලකමි. නොදන්නා බොහෝ දෑ සියල්ලන්ගේම දැන ගැනීම පිණිස සරලව අපේ භාෂාවෙන් ඉදිරිපත් කිරීම ඉතා අගනේය.

එමෙන්ම නම් වශයෙන් සදහන් නොකලත් තමන් ගේ වටිනා කාලය ෆොරම් එක වෙනුවෙන් කැප කරන  අනෙකුත් මහත්වරුන්ටත් මාගේ ස්තූතිය පල කිරීමට මෙය අවස්ථාවක් කරගනිමි.

ස්තූතියි.

nihal123

nihal123
Manager - Equity Analytics
Manager - Equity Analytics
On Time sir
ස්තුතියි
Very Happy Very Happy Very Happy

K.Haputantri

K.Haputantri
Co-Admin
නිහාල්- ඔබගේඅදහස් දැක්වීම ගැන මගේ සතුට.
එල්එස්ඊ- මා ඇතුලුව අධ්‍යාපනික ලිපි පල කරන්නන් ගැන ඔබගේ ප්‍රසාදාත්මක අදහස් අගයමි.

විවෘතව අදහස් නොදැක්වුවද මෙම ලිපි බොහෝ දෙනා කියවන බව දනිමි. ඒ සැමට මගේ තුතිය. උගෙනීම මිනිසා සම්පූර්ණ කරයි.study study study 

K.Haputantri

K.Haputantri
Co-Admin
පාඩම - 6 - පලමු කොටස


ආයෝජණ විශ්ලේෂණය හඳුන්වා දීමක්

ප්‍රධාන ආයෝජන විශ්ලේෂණ විධි ක්‍රම කවරේද?


කිසියම් ආර්ථික කොට්ඨාශයක ඇති සමාගම් රැස අතරින් ආයෝජනය සඳහා සුදුසු සමාගමක් තෝරා ගැනීම එතරම් පහසු කරැණක් නොවේ. ඒ සඳහා එම ආර්ථික කොට්ඨාශය සහ එයට අයත් සමාගම් සියල්ලම ගැන නිසි අධ්‍යයනයක් සහ විශ්ලේෂණයක් කල යුතුම වෙයි. මන්ද, එය ඉතා දුශ්කර කටයුත්තක් බැවිනි. නොඑසේව, තම සිතැඟි වලට වහල්වී වෙළඳපල ගෝෂාවට සහ ප්‍රචාරක උපක්‍රම වලට නතුවී ආයෝජන තීරණ ගැනීම බලවත් අණුවන කමකි. සකසුරැ කමින් ඉතා අපහසුවෙන් ඉතිරි කල තම අරමුදල් බරපතල අවදානමකට ලක් කිරීමකි. එහෙත් නිසි විශ්ලේෂණ ක්‍රම මගින් හඳුනා ගත් සුදුසු ව්‍යාපාර වස්තු සුදුසු මිලට ලඟාවූ විට මිලට ගැනීමටද සුදුසු කලට සුදුසු මිලට පැමිණි විට විකිනීමට ද කටයුතු කරන්නේ නම් තම ආයෝජන අවදානම අවම කර ගැනීමටත් ලාභ ලැබීමේ සම්භාව්‍යතාව වැඩිකර ගැනීමටත් නිසැකවම ඔබට පිළිවණ. මෙම අධ්‍යයන සහ විශ්ලේෂණ විධික්‍රම පහක දැක්වෙන පරිදි සම්ප්‍රදායිකව ප්‍රධාන කොටස් දෙකකට වෙන්කර දැක්වනු ලැබේ;


(අ) මූලධර්‍මමය විශ්ලේෂණය (Fundamental Analysis), සහ


(ආ) තාක්ෂණික විශ්ලෙෂණය (Technical Analysis).


කෙසේ වෙතත්, මෙම විධි දෙකෙහිම දක්නට ලැබෙන අඩුපාඩු මඟහරවා ගෙන, අපගේ විශ්ලේෂණය වඩාත් විශ්වසණීය බවට පත් කර ගැනීම සඳහා, මෙයට ඌනපූරණයක් ලෙස,



(ඇ) අභ්‍යන්තර හා බාහිර පසුබිම් විශ්ලෙෂණය (Internal & External Background Analysis) ද එක් කිරීමට මම අදහස් කලෙමි. මෙය පලමු සහ දෙවැනි විශ්ලේෂණ විධි දෙකට වඩා වෙනස් වනුයේ මෙහිදී ගණිතමය සූත්‍ර භාවිත නොකොට සමාගමෙහි අභ්‍යන්තර සහ බාහිර පරිසරයද, වෙළඳපල තුල දැනට සමාගම අත්කරගෙන ඇති තරගකාරී ස්ථානයද, සමාගමේ අනාගත සැලසුම් සහ ක්‍රමෝපායද සැලකිල්ලට ගන්නා බැවින් සහ ආයෝජකයන්ට මෙම තත්ත්වයන් විවිධ ආකාරයට අර්ථ නිරෑපණය කිරීමට නිදහස ඇති බැවිනි. මෙහිදී ජය ගනුයේ අන්‍යයන්ට නොපෙනෙන, නුවනැත්තන්ට පමණක් පෙනෙන අනාගත ව්‍යාපාරික අවස්තා සහ උපනති සාර්ථක ලෙස විණිවිද දකීන දක්ෂතාව ඇති හුරැබුහිටි ආයෝජකයා (Smart Investor) ය.    
එක් එක් ආයෝජන අධ්‍යයන/විශ්ලේෂණ විධිවල ඒවාටම ආවේනික වූ ප්‍රයෝජන ඇති අතර දුර්‍වලතා ද ඇත. ඒ පිළිබඳව පහත දැක්ටවන සාකච්ජාවේ දී ඔබ හොඳින් දැනුවත් වනු ඇත. එබැවින් මෙම ආයෝජන අධ්‍යයන/විශ්ලේෂණ විධි තුනම හොඳින් අධ්‍යයනය කොට ඒවායෙහි ඇති ප්‍රයෝජනවත් අංශ තේරැම් ගෙන අවශ්‍ය විටෙක ඒවායෙහි සංකලනයක් තීරණ ගැනීම පිණිස යොදා ගැනීම ඉතා ප්‍රයෝජනවත්ය.


අවාසනාවකට මෙන් බොහෝ දේශීය ආයෝජකයෝ මින් එක් ක්‍රමයන් වත් හරිහැටි යොදා නොගනිති. ඇතැම් ආයෝජකයෝ එක් විධික්‍රමයකට පමණක් කොටු වී තීරණ ගනිති. මෙය ඔවුනගේ තීරණවල ගුණාත්මක භාවය අවම නිරීමට ද, අවදානම් සහගත බව වැඩි කිරීමට ද ලාභදායීත්ත්වය අඩු කිරීමට ද බෙහෙවින් හේතු වී ඇත.


දැනට යමි පමණකට විධිමත් විශ්ලේෂණ විධි භාවිත කරනුයේ ආයතනික ආයෝජකයන් සහ විදේශ ආයෝජකයන්ය. සෙසු පිරිස කරනුයේ අන්‍යයන් අනුකරණය කිරීම සහ වෙළඳපල හඹා යාමය. ඇත්ත වශයෙන් වෙළඳපල හඹා යාම බරපතල අනුවන කමකි. ආයෝජන පිළිබඳව අඳුරේ තීරණ ගැනීමකි. මෙය ඉතා අවාසනාවන්ත තත්ත්වයකි. මන්ද, ඔවුන්ගේ ගනුදෙනුවල ලාභදායීත්ත්වය බොහෝ විට වාසනාව මත පමණක් තීරණය වන සූදුවකදී ලැබෙන අහඹු වාසි හා සමානය. ඔවුන්ගේ ආයෝජන වල අවදානම ඉතා ඉහල හෙයින් අපේක්ෂිත ලාභ නොලද විට අන්‍යයනට දොස් පැවරීම නිරතුරැවම දක්නට ලැබෙන ලක්ෂණයකි. මෙම තත්ත්වය වඩාත් භයානක වන්නේ ඇතමුන් ණයට ගත් මුදල් පවා මේ සඳහා යොදවමින් තම ධනය විනාශ කරගත් අවස්තා බහුලව ඇති බැවිනි.


මෙම පාඩමින් උත්සාහ ගෙන ඇත්තේ විවිධ විශ්ලේෂණ විධි අතර වැදගත් විධි පිළිබඳව හඳුන්වා දීමත්, එමගින් වැඩිදුර අධ්‍යයනය සඳහා උනන්දුවක් ඇති කිරීමත්, කොටස් වෙළඳපල ආයෝජන අවදානම යම් පමණකට අඩුකර ගැනීමට ආයෝජකයනට සහාය වීමත් සහ ආනුබුද්ධික (Rational) හෙවත් සිහිබුද්ධියෙන් යුතුව වඩාත් නිවැරදි තීරණ ගැනීමට හැකි නිවැරදි මාවත එලි පෙහෙලි කර දීමත්ය.


මෙම විධි ක්‍රම ප්‍රායෝගිකව යොදා ගන්නා අතර ඒවා තවදුරටත් වැඩි දියුණු කිරීමට ද නව විධි ක්‍රම හඳුන්වා දීමට ද ඔබට හැකි වුවහොත් එය මෙම ව්‍යායාමයෙහි අතුරැ ඵලයක් ලෙස දකිමි.   


මූලධර්‍මමය විශ්ලෙෂණය යනු කුමක්ද?


මූලධර්‍මමය විශ්ලෙෂණය යනු සවිමත් ආයෝජනයක පදනම ලෙස හැඳින්විය හැකිය. කිසියම් ව්‍යාපාරයක මූලික මූල්‍යමය දත්ත මැනවින් පරීක්ෂා කිරීමෙන් එහි ස්ථාවර භාවය සහ අනාගත දියුණුව පිළිබඳව යම් පමණකට නිවැරදි ලෙස නිර්ණය කිරීමට ඔබට හැකි වනු ඇත. මෙහිදී වැදගත්වන මූලික මූල්‍යමය දත්ත වනුයේ සමාගමෙහි ලාභ අලාභ තත්ත්වය දැක්වෙන ආදායම් සහ වියදම් ප්‍රකාශ, ශෙෂ පත්‍ර සහ අනාගත සැලසුම් වැනි සමාගමෙහි ආර්ථික සවිමත් බව හඳුනාගත හැකි වෙනත් දත්ත වෙති. කිසියම් සමාගමක කොටස් මිල අවතක්සේරැව ඇත්ද යන්න හෝ අධි තක්සේරරැව ඇත්ද යන්න හෝ නිගමනය කිරීමට මෙම දත්ත ආයෝජකයන් විසින් බහුල ලෙස භාවිතා කරනු ලැබේ.


මූලධර්‍මමය විශ්ලෙෂණය කිසියම් සමාගමක මූලික මූල්‍යමය දත්ත ඇසුරෙන් ඇරඹුනද එය එකී සමාගම අයත් ආර්ථික ‍කෙෂත්‍රයේ අනෙකුත් සමාගම් හා සසඳන කල තරඟකාරී තත්ත්වයක සිටින්නේද යන්න සහ වෙනත් ආර්ථික කෙෂත්‍ර හා සසඳනකල එකී ආර්ථික කෙෂත්‍රය වර්ධනය වන්නේද හැකිලෙන්නේද යන්න හඳුනා ගැනීමට ද එය උපකාරී වනු ඇත. වෙළඳපල පුල් වීමත් විවිධ කෙෂත්‍ර යටතේ විවිධ සමාගම්වල කොටස් මිලට ගැනීමට අවස්ථාව ලැබීමත් හේතු කොටගෙන වඩාත් වාසි අත්වන්නේ කුමන කෙෂත්‍රවල කුමන සමාගම්වල කුමන කොටස්වල ආයෝජණය කිරීමෙන්ද? යන ප්‍රශ්ණයට වඩාත් අර්ථාන්විත පිළිතුරක් ලබා ගැනීමට මූලධර්‍මමය විශ්ලෙෂණය මහඟු පිටිවහලක් වෙනු ඇත.
වඩාත් ශක්තිමත් මූලධර්‍මමය විශ්ලේෂණ දත්ත පෙන්නුම් කෙරෙන සමාගමක කොටස් මිල කාලයාගේ ඇවෑමෙන් ඉහල යාමේ ප්‍රවනතාවක්ද දුර්‍වල මූලධර්‍මමය විශ්ලේෂණ දත්ත පෙන්නුම් කෙරෙන සමාගමක කොටස් මිල කාලයාගේ ඇවෑමෙන් පහල යාමක්ද පෙන්නුම් කරනු ඇත. මෙහිලා වෙළඳපලෙහි ඇති විය හැකි කෙටිකාලීන මිල උච්ජාවචන නොසලකා හරිනු ලැබේ. මේ හේතුකොටගෙන දිගුකාලීන ආයෝජකයනට සාර්ථක ලෙ යොදාගතහැකි ඉතා වටිනා මෙවලමක් බවට මූලධර්‍මමය විශ්ලෙෂණය අද හඳුනාගෙන ඇත.


මූලධර්‍මමය විශ්ලේෂණය සහ තාක්ෂණික විශ්ලේෂණය අතර ඇති මූලික වෙනස් කම් කවරේද?


මූලධර්‍මමය විශ්ලෙෂණය තාක්ෂණික විශ්ලෙෂණයෙන් වෙනස් වනුයේ ඒවා සඳහා භාවිතවන දත්ත එකිනෙකට වෙනස්වන හෙයිනි. මූලධර්‍මමය විශ්ලෙෂණයෙහිදී කිසියම් සමාගමක මූලික කර්‍ය්‍යසාධක දත්ත ඇසුරැ කෙරන නමුදු තාක්ෂණික විශ්ලෙෂණයෙහිදී එම දත්ත භාවිතා නොකෙරේ. ඒ වෙනුවට කොටස්වල මිල වෙනස් වීම, එකී මිල වෙනස ප්‍රස්ථාරවල පෙන්නුම් කරන විවිධ මාදිලි හා ආකාර සහ විවිධ ප්‍රස්ථාර මගින් පුරෝකථනය කෙරෙන අනාගත මිල උපනතීක් සහ මිල විචලන ආදිය මෙහිලා භාවිත කෙරේ. මෙය වෙන් වෙන් සමාගම් පිළිබඳව පමණක් නොව එකී සමාගම අයත් ආර්ථික කෙෂත්‍රය සහ සමස්ථ වෙළඳපල හැසිරීම පිළිබඳවද පරීකෂාකල හැකි සහ පුරොකථනය කල හැකි විශ්ලෙෂණයක් වන හෙයින් එය මූලධර්‍මමය විශ්ලෙෂණය තරම්ම ප්‍රයොජනවත් සහ ජනප්‍රිය එහෙත් එකිනෙකට සම්පූර්ණයෙන්ම වෙනස් විධි ක්‍රමයක් වෙයි.


තාක්ෂණික විශ්ලෙෂණ කෙටිකාලීන, මධ්‍ය කාලීන සහ දිගු කාලීන ආයෝජකයනට ප්‍රයෝජනවත් වන නමුදු බෙහෙවින් කෙටිකාලීන සහ මධ්‍ය කාලීන ආයෝජනයේදී යොදා ගැනේ.


මූලධර්‍මමය විශ්ලෙෂණයෙහි වැදගත් කම


කිසියම් සමාගමක තම මුදල් ආයෝජනය කිරීම යහපත් ආයෝජන තීරණයක්ද අයහපත් ආයෝජන තීරණයක්ද යන්න අපහසුවකින් තොරව සහ ඉහල නිවැරදිතාවයකින් යුතුව නිර්ණය කිරීමට මූලධර්‍මමය විශ්ලෙෂණය ආයෝජකයකුට උපකාර කරයි. යම් හෙයකින් මූලධර්‍මමය විශ්ලෙෂණයෙහි කිසියම් බරපතල අඩුපාඩුවක් සිදුවිණි නම් බරපතල පාඩු විඳීමට සිදුවන සම්භාව්‍යතාව ඉතා ඉහලවන අතර එය නිවැරදිව අඩුපාඩු රහිතව කරනලද නම් ඉතා ඉහල ප්‍රතිලාභ ලබාගැනීමේ සම්භාව්‍යතාවද වැඩිය.


උදාහරණයක් වශයෙන්, මොහොතකට කොටස් වෙළඳපල අමතක කොට, කිසියම් බැංකුවක් කිසියම් සමාගමකට හෝ පුද්ගලයෙකුට අවශ්‍ය ණය මුදලක් නිශ්චිත සුරැකුමක් නොමැතිව අනාගත ඉපැයුම් මතම ප්‍රධානය කරන අවස්තාවක් විමසා බලමු. බැංකුව ණය දීමට ප්‍රථම එම සමාගමේ හෝ පුද්ගලයාගේ අනාගත ඉපැයුම් සහ ලාභ අලාභ තත්ත්ව පිළිබඳව දැඩි විශ්ලෙෂණයක් කල යුතු බව අප දනිමු. මන්ද එකී සමාගමට හෝ පුද්ගලයාට ණය වාරික සහ පොලිය නියමිත පරිදි ගෙවීමට හැකි වන්නේ සමාගමේ හෝ පුද්ගලයාගේ අනාගත ඉපැයුම් පිලිබඳ බලාපොරොත්තු තබාගත හැකිනම් පමණි. යම් හෙයකින් එම බලාපොරොත්තු බිඳ වැටුන හොත් එම ණය මුදල බොල් ණයක් ලෙස කපා හැරීමට බැංකුවට සිදු වනු ඇත.


මෑතකදී අමෙරිකා එක්සත් ජනපදයේ බැංකු ගණනාවක්ම බුන්වත් බවට පත්වූයේ නිවාස ණය දීමේදී නිවාස දේපල අධිතක්සේරැ කොට ප්‍රමාණවත් සුරැකුම් නොමැතිව ණය ආපසු ගෙවීමේ හැකියාව පිළිබඳව කරනලද මූලධර්‍මමය විශ්ලෙෂණයෙහි අඩුපාඩු ඇති බව නොදැන ණය ලබාදුන් හෙයිනි. බැංකු බලාපොරොත්තු නොවූ පරිදි නිවාස දේපල වටිනාකම පහත බැසීම හේතු කොටගෙන සුරැකුම් ලෙස තබාගත් දේපල, ණය ආවරණය කිරීමට ප්‍රමාණවත් නොවූ හෙයින් ඇතැම් බැංකු බුන්වත් විය.


ව්‍යාපාර වස්තු වෙළඳ පලෙහි සමාගම් කොටස්වල ආයෝජනයේදීද එය මුදල් ණයට දීමක් හා සමාන නොවුවද ඒ හා යම් තරමකට සමාන හෝ ඊට වැඩි අවදානමකට ආයෝජකයා මුහුණ දෙයි. මූලධර්‍මමය විශ්ලෙෂණය සියයට සියයක්ම නිවැරදි ක්‍රමවේදයක් නොවුවද ඉන් ආයෝජනයේ අවදානම බොහෝදුරට අවම කරගත හැකිබව අප අවබෝධ කරගත යුතුව ඇත. මන්ද හැඟීම් වලට වහල්වී කිසිදු විශ්ලෙශණයකින් තොරව ඝණ අඳුරේ සිට තීරණ ගන්නවාට වඩා මූලධර්‍මමය විශ්ලෙෂණය මගින් සමාගමේ කාර්‍ය්‍යසාධකතාව පිළිබඳව යම් පමණක ආලෝකයක් සහ ආත්ම විශ්වාසයක් ආයෝජකයාට ලැබෙන බැවිනි.


කොටස් වෙළඳපලෙහි කොටස් මිලට ගැනීම හා බැංකුවක් සුරැකුම් නොමැතිව මුදල් ණයට දීම අතර ඇති සමාන අසමාන කම් සලකා බැලීම මෙම උදාහරණය මැනවින් තේරැම් ගැනීමට උපකාර වනු ඇත. අවස්ථා දෙකෙහිම ඉතා ඉහල අවදානමක් ඇත. ඇතැම්විට සම්පූර්ණ ආයෝජනයම නැතිවීමට ඉඩ ඇත. කොටස් මිලට ගැනීම එකී සමාගමට සුරැකුම් නොමැතිව දෙන ණයකට වඩා අවදානම් සහගතය. මන්ද ණය මුදලක් නම් නඩුවක් පවරා හෝ අයකර ගත හැකි අතර කොටස්වල ආයෝජිත මුදල් ආපසු ගෙවීමක් සිදු නොවන හෙයිනි. තම ආයෝජන නැවත මුදල් කර ගත හැක්කේ දවිතීය වෙළඳපලෙහි කොටස් විකිනීමෙනි.


කොටස්මිල ඉහල ගියහොත් ප්‍රාග්ධන ලාභ ඇතිව කොටස් විකිණිය හැකිය. ලාභාංශ අමතර වාසියකි. එහෙත් මෙම ප්‍රතිලාභ පිළිබඳ සහතිකයක් හෝ සුරැකුමක් හෝ නොලැබේ. එබැවින් ආයෝජන තීරණය ගැනීමේදී ආයෝජකයා අදාල සමාගම පිළිබඳව මනා දැනුවත් කමකින් සන්නද්ධ විය යුතුය. මෙම මනා දැනුවත්කම ලබාගත හැක්කේ මූලධර්‍මමය විශ්ලෙෂණය වැනි ක්‍රමවේදයක් නිවැරදිව යොදා ගැනීමෙන් පමණි. මෙහිලා ආයෝජනය කිරීමට අපේක්ෂිත සමාගමෙහි පහත දැක්වෙන නිශ්චිත කරැණු පිළිබඳව අවධානය යොමු කිරීම ඥාණාන්විතය.


(අ) සමාගම නිරතුරැවම ලාභ උපයයිද? මෙහිදී හදිසි අස්වාභාවික ලාභ සහ කෙටිකාලීන පසුබෑම් නොතකා හරිනු ලැබේ.


(ආ) දිගුකාලීනව ලාභ වර්ධනය වන්නේද ඌණ වන්නේද?


(ඇ) තරඟකාරීත්වය හමුවේ සමාගම තම ස්ථානය රැක ගැනීමට සමත්වීද? සමාගම අදාල කෙෂත්‍රයෙහි ප්‍රමුඛයාද? සමස්ථ ආර්ථිකය හා සසඳනකල අදාල කෙෂත්‍රය වර්ධනය වනනේද හැකිලෙන්නේද?


(ඈ) සමාගමෙහි ණය ගෙවීමේ හැකියාව. යම් හෙයකින් සමාගම විසුරැවා හැරීමට තීරණය කලහොත් එහි වත්කම්වල නෛසර්ගික අගය එහි වගකීම් සැලකිල්ලටගත් කල කොපමණද?


මූලධර්‍මමය විශ්ලෙෂණය සඳහා අවැසි දත්ත සහ ඒවා ලබාගන්නා ආකාරය


සමාගමක කොටස් හිමියෙකුට වාර්ශික, අර්ධවාර්ශික සහ තෛමාසික ගිණුම් ප්‍රකාශණ මුද්‍රිතව හෝ සංයුක්ත තැටි වශයෙන් හෝ (කොටස් හිමියාගේ කැමැත්ත අනුව) එවීමට සමාගම් බැඳී සිටිති. අමතරව මෙම ප්‍රකාශණ සාමාන්‍ය ජනයාගේ දැනගැනීම පිණිස ප්‍රසිද්ධ පුවත්පත්වල පල කිරීමටද කොළඹ කොටස් වෙළඳපල ‍‍අන්තර්ජාල අඩවියෙහි පල කිරීමටද සමාගමි නීතියෙන් බැඳී සිටිති. අමතරව ඒ ඒ සමාගම්වල අන්තර් ජාල අඩවි වලද මෙම ගිණුම් ප්‍රකාශ පල කරනු ලැබේ.


යම් හෙයකින් මෙම වගකීම පැහැර හැරිය හොත් ප්‍රශ්ණ ගත සමාගමෙහි කොටස් වෙළඳ පල ලැයිස්තුවෙන් ඉවත් කිරීමට සුරැකුම්පත් සහ විණිමය නියාමණ කොමිෂන් සභාව (SEC) විසින් කටයුතු කරනු ලැබේ. නැවත ලැයිස්තුගත කරනු ලබන්නේ සුරැකුම්පත් සහ විණිමය නියාමණ කොමිෂන් සභාව (SEC) සෑහීමට පත්වන ආකාරයට අදාල ගිණුම් ප්‍රකාශ ඉදිරිපත් කර ඇත්නම් පමණි.


මෙම ගිණුම් ප්‍රකාශණ වල ආයෝජකයනට ප්‍රයෝජනවත් ඇතැම් දත්ත සහ දර්ශක සාරාංශමය වශයෙන් වාර්තාව ආරම්භයේම සංඛ්‍යා සහ ප්‍රස්තාර ස්වරෑපයෙන් දැක්වීම කරනු ලැබේ.


සමාගම් පණතේ විධිවිධාන අනුව සියලුම වාර්ශික ගිණුම් වරලත් ගණකාධිකාරී වරයකු විසින් විගණනය කොට ඔහුගේ වාර්තාවද වාර්ශීක වාර්තාවට අඩංගු කල යුතුය. මෙම විගණක වාර්තාවද පරිශීලනය කලයුතු වැදගත් ලියවිල්ලකි.


මෙම ලියවිලි අතරින් අඩු තරමින් වසර පහක පමණ කාලයක සමාගමේ ශෙෂ පත්‍ර, ලාභ අලාභ ගිණුම් ප්‍රකාශණ සහ මූළ්‍ය ප්‍රවාහ ප්‍රකාශණ සපයා ගෙන ගැඹුරින් අධ්‍යයනය කිරීම මගින් සමාගමෙහි මූල්‍යමය සෞඛ්‍යය මනාව පිරික්සිය යුතුය.


මෙම ලියවිලි පරිශීලණය කිරීමෙන් පසුව ආයෝජකයනට පැණ නගින ගැටලු පිළිබඳව වාර්ශික මහා සභා රැස්වීමේ දී වාචිකව සාකච්ජා කිරීමට ද සුලු හෝ මහා පරිමාණ ආයෝජකයනට පිළිවන. අවාසනාවකට මෙන් එක්කෝ මෙම අවස්ථාව බොහෝ සුලු පරිමාණ ආයෝජකයෝ පැහැර හරිති නැත්නම් යම් හෙයකින් ප්‍රශ්ණ මතුකල හොත් අධ්‍යකෂ මණඩල ඒවා නොතකා හරිති. මන්ද සුලු පරිමාණ ආයෝජකයාගේ හඬ තීරණ ගැනීමේදී එතරම් වැදගත් නොවන හෙයිනි. කෙසේ වෙතත් මෙම මහඟු අවස්ථාව නිසි ලෙස භාවිත කිරීම මගින් බොහෝ ගැටලු විසඳාගත හැකිබව පැහැදිලිය.


ශෙෂ පත්‍රය- හඳුනා ගැනීම 


මෙම ලියවිල්ලෙහි නම යෝජනා කරන පරිදිම එහි අන්තර්ගතය තේරැම් ගැනීම පහසුය. සමාගමෙහි වත්කම් හෙවත් සමාගමට ලබාගෙන ඇති වටිනාකම්, එකී සමාගම විසින් වෙනත් අයවලුනට ගෙවිය යුතු දෑ හෙවත් සමාගමේ වගකීම්, සමාගමෙහි ප්‍රාග්ධනය සහ සංචිත සමග තුලනය කරන්නේ කෙසේද යන්න ශෙෂ පත්‍රයෙහි දැක්වේ. සමාගමේ වගකීම් වලට එහි ප්‍රාග්ධනය සහ සංචිත එකතු කල විට ලැබෙන අගය එහි වත්කම් වලට සමාන වන විට මෙම ගිණුම් ප්‍රකාශය තුලනය වෙතැයි පැවසේ.


කොළඹ කොටස් වෙළඳ පල අන්තර් ජාල අඩවිය වන www.cse.lk හි සියලු ලැයිස්තු ගත සමාගම් වල ගිණුම් සහ වාර්ශික වාර්තා පලකර ඇත. එහි ඇති වාර්තා පරීක්ෂා කිරීමෙන් ශෙෂ පත්‍රයක් ඔබට දැකිය හැකිය.


මෙරට සමාගම් නීතිය සහ වරලත් ගණකාධිකාරී ආයතනයේ උපදෙස් අනුව ශේෂ පත්‍රයක වත්කම් දකුණු පසට ද වගකීම් සහ ප්‍රාග්ධනය වම් පසටද යොදා තිරස් අතට ගිණුම තුලණය කල හැකි අතර ඊට විකල්පයක් වශයෙන් සිරස් අතට එනම් වත්කම් ප්‍රථමයෙන් දක්වා එයට යටින් එකී වත් කම් නියෝජණය වන අන්දම දක්වමින් වගකීම්, ප්‍රාග්ධනය සහ සංචිත වෙන වෙනම දැක්විය හැකිය. කුමන ක්‍රමයට ඉදිරිපත් කලත් වත්කම් වල එකතුවට සමාන අගයක් වගකීම්, ප්‍රාග්ධනය සහ සංචිත එකතු කල විට ලැබී ගිණුම තුලණය වෙයි.


ගිණුම් තබන්නන් විසින් සෑම ගණුදෙනුවක් සම්බන්ධයෙන්ම සටහන් දෙකක් ගිණුම් දෙකක හර සහ බැර වශයෙන් තබන හෙයින් වසර අවසානයේදී සියලු ගිණුම් තුලනය කල විට හර ගිණුම් ශේෂ වල එකතුව බැර ගිණුම් ශේෂ වල එකතුවට සමාන විය යුතු බැවින් මෙය තේරැම් ගත නොහැකි අරැමයක් නොවේ.


මෙය තේරැම් ගැනීමට ගණකාධිකරණය පිළිබඳව දැනුමක් අවශ්‍ය නොවේ.

nihal123

nihal123
Manager - Equity Analytics
Manager - Equity Analytics
දිගටම ඉදිරියට යන්න

ස්තුතියි

අති විශිෂ්ඨයි සර්

Very Happy  Very Happy  Very Happy 

K.Haputantri

K.Haputantri
Co-Admin
ඔබගේ දිරිගැන්වීම් ඉතා ඉහලින් අගයමි.

Chinwi

Chinwi
Associate Director - Equity Analytics
Associate Director - Equity Analytics
Hapu, ඔබගෙ ව්‍යයාමය මහත් සේ අගයමි. 
පහත කරුණ ඔබ දන්නවා යයි සිතෙන නමුත් සටහන් කරමි : 

අපි මේ ලියන්නෙ යුනි කෝඩ් වලින් බැවින් මෙය යම් දිනෙක මුද්‍රිත මගට ගන්නට ගියහොත් ගැටලුවක් විය හැක​. 
මුද්‍රන පෙජ් සෙටින් කරන අය යුනි කෝඩ් වලින් දෙන දේ  ඔවුනගේ කාරියට නොගැලපෙන බව පවසති. ප්‍රතික්ශේප කරති.
 පිටු සිය ගණනම එක වරම නැවත ලියන්නට සිදුවීම එපා වෙන සුලුය​.  නැතහොත් ටයිප් කරන දරුවකු ලවා නැවත ලියවා ගන්නට සිදුවේ . එයටද කාලයක් වැයවේ. බොහෝ වැරදි ද එකතු වේ.

එම නිසා ඔවුන් භාවිතා කරන ෆන්ට් එකකිනුත් හෙමිහිට මෙය ලියා එකතුකර ගැනීම හොඳයි. විවිධ ආයතන විවිධ ෆන්ට් හා සිංහල ප්‍රොග්‍රැම් භාවිත කරති.  

Chin

K.Haputantri

K.Haputantri
Co-Admin
ඔබට ස්තුතියි. මීට පෙර මෙය මා දැන සිටියේ නැහැ. රාජ්‍ය ආයතනයක් (ICTA) නිර්දේශකල හෙයින් මෙය සුදුස් යයි සිතා භාවිත කලෙමි.

Chinwi

Chinwi
Associate Director - Equity Analytics
Associate Director - Equity Analytics
@K.Haputantri wrote:ඔබට ස්තුතියි. මීට පෙර මෙය මා දැන සිටියේ නැහැ. රාජ්‍ය ආයතනයක් (ICTA) නිර්දේශකල හෙයින් මෙය සුදුස් යයි සිතා භාවිත කලෙමි.
එසේ නම් කරුණාකර ප්‍රෙස් එකෙකින් හොයා බලන්න​. මම දන්න තැන් වලින් එසේ කිව්ව .

keeper

keeper
Assistant Vice President - Equity Analytics
Assistant Vice President - Equity Analytics
ඔයාගේ වැඩේ ගොඩක් හොදය්,ඔයාට දිගටම මේ වැඩේ කරගෙන යන්න ශක්තිය ලැබෙන්න කියල සුබපතනවා,එසේම warranties ,Right issues ගැනත් විස්තර ලියන්න පුලුවන්නම් ගොඩක් වටිනවා,All the best....

smallville

smallville
Associate Director - Equity Analytics
Associate Director - Equity Analytics
@Chinwi wrote:
@K.Haputantri wrote:ඔබට ස්තුතියි. මීට පෙර මෙය මා දැන සිටියේ නැහැ. රාජ්‍ය ආයතනයක් (ICTA) නිර්දේශකල හෙයින් මෙය සුදුස් යයි සිතා භාවිත කලෙමි.
එසේ නම් කරුණාකර ප්‍රෙස් එකෙකින් හොයා බලන්න​. මම දන්න තැන් වලින් එසේ කිව්ව .
ඔව් මුද්‍රණ මාද්යට යනවිට මෙය ගැටලුවක් විය හැකියි. එය සොයා බලන්න. ලිපි පෙල ඉතා අගනෙය. ස්තුතියි.

K.Haputantri

K.Haputantri
Co-Admin
@keeper wrote:ඔයාගේ වැඩේ ගොඩක් හොදය්,ඔයාට දිගටම මේ වැඩේ කරගෙන යන්න ශක්තිය ලැබෙන්න කියල සුබපතනවා,එසේම warranties ,Right issues ගැනත් විස්තර ලියන්න පුලුවන්නම් ගොඩක් වටිනවා,All the best....
අදහස් දැක්වීම ගැන ස්තූතියි. ඉඩකඩ ලැබෙන හැටියට යෝජිත මාතෘකා ඇතුලත් කරන්නම්.

K.Haputantri

K.Haputantri
Co-Admin
@smallville wrote:
@Chinwi wrote:
@K.Haputantri wrote:ඔබට ස්තුතියි. මීට පෙර මෙය මා දැන සිටියේ නැහැ. රාජ්‍ය ආයතනයක් (ICTA) නිර්දේශකල හෙයින් මෙය සුදුස් යයි සිතා භාවිත කලෙමි.
එසේ නම් කරුණාකර ප්‍රෙස් එකෙකින් හොයා බලන්න​. මම දන්න තැන් වලින් එසේ කිව්ව .
ඔව් මුද්‍රණ මාද්යට යනවිට මෙය ගැටලුවක් විය හැකියි. එය සොයා බලන්න. ලිපි පෙල ඉතා අගනෙය. ස්තුතියි.
ඔබ සැමගේ අගය කිරීම් සහ කාලීණ උපදෙස් පිළිබදව ස්තුතියි. දැනටමත් Copy Past කිරීමේදී යම් යම් ගැටලු තිබෙනවා (උදාහරණ: බැදි අකුරැ ලිහීයාම වැනි). ඒවා ICTA ආයතනයට දන්වා නිරවුල් කර ගත නොහැකි වුවහොත් ඔබ සැම යෝජිත අයුරැ විකල්පයක් සොයන්ට වෙනවා.

K.Haputantri

K.Haputantri
Co-Admin
Thanks Chinvi & Small. What you said is correct. The following page from ICTA Web says it all. Still they havent developped print compliant UNICODE fonts, though they wanted to do so in 2009.

"Unicode compliant local language fonts
2009 ජූලි 14 වෙනි අඟහරුවාදා, 14:50
කොටස් වෙළදපොල සිංහලෙන් - Page 3 PrintButton කොටස් වෙළදපොල සිංහලෙන් - Page 3 Pdf_button
 
 ICTA spearheaded the development of Sinhala fonts based on the standard Unicode, and at the inception  partnered with several organizations in getting a few Unicode compliant Sinhala fonts developed.
 
The objective was to generate accurate Sinhala documents with the use of the full complement of characters facilitated in the Sri Lanka Standard Sinhala Character Code for Information Interchange, SLS 1134 : 2004 and to propagate the use of aesthetically correct Sinhala character glyphs in government documents and web sites.  It is also intended to discourage the continued use of legacy fonts that are not compliant with SLS 1134 : 2004.
 
To meet the above objectives ICTA is now developing a standard-based Sinhala font, භාෂිත, which meets the conditions given in SLS 1134 for a Level 2 font. Viz. Level 2 fonts are intended for general applications such as documents, books, etc. 
 
The Level 3 භාෂිත font will also be developed by end June.  With Level 3 fonts it will be possible to type touching letters needed especially in Buddhist texts.  Level 3 fonts are intended for advanced publications and printing applications, especially for supporting Pali and Sanskrit text written in Sinhala script, and for historical documents.
 
ICTA’s භාෂිත font is compatible with the MS Windows XP and MS Windows Vista, and Linux operating systems.
 
A program is also underway to train font developers and to provide font developers with the knowledge and expertise on how to develop standards based, aesthetically correct Sinhala fonts of good quality, in order to upgrade the skill and knowledge in this area.
 
It is also intended to develop a standards- based Tamil font."
 



Last edited by K.Haputantri on Sun Oct 20, 2013 2:45 pm; edited 1 time in total

LSE

LSE
Senior Manager - Equity Analytics
Senior Manager - Equity Analytics
ඔබතුමාගේ, මෙම විශිෂ්ඨ සේවාව මම නිරතුරුවම අගය කරමි. කොටස් වෙළදපොල පිලිබදව උනන්දුවක් දක්වන සියලුම පාඨකයන්ගේ දැනුම තව තවත් වර්ධනය කිරිම පිණිස මෙම කෘතිය හැකි ඉක්මනින් එළිදැක්වීමට අවැසි ශක්තිය  ධෙර්යය ඔබතුමාට නිතැතින්ම ලැබේවා...!
study study study 

ස්තුතියි.

nihal123

nihal123
Manager - Equity Analytics
Manager - Equity Analytics
@LSE wrote:ඔබතුමාගේ, මෙම විශිෂ්ඨ සේවාව මම නිරතුරුවම අගය කරමි. කොටස් වෙළදපොල පිලිබදව උනන්දුවක් දක්වන සියලුම පාඨකයන්ගේ දැනුම තව තවත් වර්ධනය කිරිම පිණිස මෙම කෘතිය හැකි ඉක්මනින් එළිදැක්වීමට අවැසි ශක්තිය  ධෙර්යය ඔබතුමාට නිතැතින්ම ලැබේවා...!
study study study 

ස්තුතියි.
LSE
Apith enna kiyaida?

K.Haputantri

K.Haputantri
Co-Admin
LSE & nihal
ඔබගේ දිරිගැන්වීම් අගයමි. දොරට වැඩීමේ උත්සවයක් තිබිබොත් එන්න කියන්නම්.

K.Haputantri

K.Haputantri
Co-Admin
ආයුබෝවන්! සුපුරැදු පරිදි මාසයේ පලමුදාම අපගේ පාඩම ඉදිරිපත් කිරීමට හැකිවීම සතුටට කරැණකි. ඔබට ජය පතමි.study 

පාඩම - 6

ආයෝජණ විශ්ලේෂණය හඳුන්වා දීමක් - දෙවැනි කොටස

ශේෂ පත්‍රය හඳුනා ගැනීම- වත්කම්

සියලු වත්කම් ගිණුම් ශේෂ හර ශේෂ වෙති. වත්කම් එහි ප්‍රයෝජනය ගන්නා කාලය සහ මුදල් බවට පත් කිරීමේ පහසුව අනුව ස්ථාවර වත්කම් හා ජංගම වත්කම් ලෙස වර්ග දෙකකටද පියවි ඇසට පෙනෙන නොපෙනෙන කරැණ අනුව අස්පෘශ්යජ වත්කම් (කීර්තිනාමය වැනි වත්කම්) සහ ස්පර්ශ වත්කම් (යන්ත්‍රෝපකරණ වැනි වත්කම්) ලෙසද යලි වර්ග දෙකකටද විවිධාකාරයෙන් විස්තර කල හැකිය.

දිගුකාලීන පැවැත්මක් ඇති ඉඩම්, ගොඩනැගිලි, යන්ත්රප සූත්‍ර ආදිය ස්ථාවර වත්කම් ලෙස සැලකෙන අතර ඒවායෙහි වාර්ශික ක්ෂයවන ප්‍රමාණය පමණක් අදාල කාලය සඳහා දැරෑ වියදම ලෙස ගනන් ගනු ලැබේ. ශේෂ පත්‍රවල මෙම සමුච්චිත ක්ෂය ප්‍රමාණය අදාල ස්ථාවර වත්කමෙහි මුල් අගයෙන් අඩු කොට දක්වන්නේ එහෙයිනි. මෙසේ කරනු ලබන්නේ ස්ථාවර වත්කම සම්පූර්ණයෙන්ම ක්ෂයවී සේවයෙන් ඉවත් කල විට නව ස්ථාවර වත්කමක් ප්‍රතිසම්පාදනය කිරීම පිණිස ලාභයෙන් කොටසක් වෙන් කර තැබීමටය. ස්ථාවර වත්කම් සම්පූර්ණයෙන්ම ක්ෂයවූ පසුව ගිණුම්වල පෙන්වන්නේ නාමික අගයක් බවද ඇතැම්විට එම වත්කම අපහරණය කිරීමෙන් එකී නාමික අගයට වඩා වැඩි මුදලක් ලබා ගත හැකි බවද මෙහිලා මතක තබා ගත යුතුය. විශෙෂයෙන් වත්කම් ගිණුම් පරීක්ෂා කිරීමේ දී සැලකිලිමත් විය යුත්තේ ඒවා යලි තක්සේරැකොට වටිනාකම පුම්බා තිබිය හැකි හෙයිනි. එවැනි අවස්තාවලදී ශෙෂ පත්‍රය තුලනය කිරීම පිණිස ස්ථාවර වත් කමෙහි අගය ඉහල දමන වටිනාකමට සමාන වටිනාකමක් ඇති සංචිත ප්‍රමානයක් බැර සටහනක් ලෙස තබනු ලැබේ. එවැනි අවස්තාවල තීරණ ගැනීමේදී ඹබ නොමග නොයා යුතු බව අවධාරනය කරමි.
නිරතුරැව වෙනස්වන නමුදු ද්‍රවශීල ත්ත්වයෙහි පවත්නා මුදල් හා ආයෝජණද වත්කම් ගණයට වැටේ. අමතරව ජංගම වත්කම් ලෙස පහසුවෙන් මුදල් බවට පත් කලහැකි වෙළඳ තොගය සහ ණය ගැතියන් ගණන් ගනු ලැබේ. ආපසු අයකර ගැනීම අපහසු යයි අපේක්ෂා කෙරෙන ණය ගැතියන්ගේ ඇස්තමේන්තුගත අගය බොල් ණය ප්‍රතිපාදනය ලෙස සලකා ණය ගැති අගයෙන් අඩුකොට පෙන්වනු ලැබේ. මෙම ගිණුම් පරිචය ක්ෂයවීම් ස්ථාවර වත්කම්වල අගයෙන් අඩුකර දැක්වීම හා සමානය. ඇතැම් ආයතනවල කීර්ති නාමය ද අස්පෘශ්යව වත්කමක් ලෙස දක්වනු ලැබේ.

ශේෂ පත්‍රය හඳුනා ගැනීම- වගකීම්

වගකීම් යනු බාහිර පාර්ශව විසින් සමාගමට සපයන ලද දෑ (භාණඩ හා සේවාවන්) සඳහා ගෙවිය යුතු ණය මුදල්ය. ණය හිමියන්, ගෙවිය යුතු බදු මුදල්, ගෙවිය යුතු විදුලි බිල් සහ බැංකු අයිරාව ආදිය උදාහරන වේ. මෙම වගකීම් ඉතා කෙටි කලකින් ගෙවා නිම කිරීමට නියමිත හෙයින් ජංගම වගකීම් යනුවෙන්ද හැඳින් වේ.

දීර්ඝත කාලයක් තුල ගෙවීමට නියමිත වගකීම් දිගුකාලීන වගකීම් හෙවත් දිගුකාලීන ණය ලෙසද හැඳින් වේ. බැංකු ණය බැඳුම්කර ආදිය මේ ගණයට වැටේ.

මෙහිලා තේරැම් ගත යුතු වැදගත් කරැණක් නම් මෙම කිසිදු ණයකරැවකුට සමාගම පිළිබඳ අයිතියක් නොමැති බවය. එබැවින් නියමිත දිනට ණය ගෙවීමට සමාගම අපොහෙසත් වන්නේනම් සිවිල් නඩුවක් පවරා එම මුදල් අය කර ගැනීමට ඔවුනට සිදුවේ.

ශේෂ පත්‍රය හඳුනා ගැනීම- කොටස් හිමියන්ගේ ප්‍රාග්ධනය

සාර්ථක ලෙස පවත්වාගෙන යන සමාගමක වත්කම් වල අගය වගකීම්වල අගයට වඩා වැඩි විය යුතුමය. වත්කම් වල අගයෙන් වගකීම් අඩු කල විට ලැබෙන අගය ප්‍රාග්ධනය සහ ඉදිරියට ගෙන ආ ලාභ සහ සංචිත වල එකතුවට සමාන වන හෙයින් ශේෂ පත්‍රය තුලනය වෙයි. අප ඉහත සාකච්ජා කල වත්කම් යලි තක්සේරැ කිරීමේදී ඇති ඇති කෙරෙන සංචිතද, වත්කම් ක්ෂය සංචිතද, බොල් ණය සංචිතද මෙයට අයත්ය.

ඉහත ද සාකච්ජා කල පරිදි ප්‍රාග්ධනය යනු දීගුකාලීන සහ කෙටිකාලීන ණය හිමියන් ‍ගෙන් ලද අරමුදල් වලට හාත්පසින්ම වෙනස් වූ සංඛ්යාවකි. දිගුකාලීණ ණය හිමියන් ‍ගෙන් ලද අරමුදල් ගිවිසුම් ප්‍රකාරව නිශ්චිත පොලියක්ද සමග ආපසු ගෙවීමට සමාගම බැඳී සිටී. කෙටිකාලීන නයහිමි ශෙෂද නියමිත කාලයක් තුල බේරැම් කල යුතුය. නමුත් ප්‍රාග්ධනය කොටස් හිමියන්ට ආපසු ගෙවීමක් අපේක්ෂා නොකෙරේ. වරණීය කොටස් හැරැන විට සාමාන්‍ය කොටස් ප්‍රාග්ධනය සඳහා ලාභාංශ ගෙවනුයේ සමාගම ලාභාංශ ප්‍රකාශ කලහොත් පමණි.

ප්‍රාග්ධනය යනු සමාගමක් ආරම්භ කිරීමේදී සහ පසුව අවස්ථානු කූලව එහි පැවැත්ම සඳහා කොටස් හිමියන් විසින් යොදවනලද අරමුදල්ය. මෙම පොත් අගය කොටස්වල වෙළඳ අගයට වඩා අඩු හෝ වැඩි විය හැකිය. සමාග‍මේ කාර්යසාධකතාව ඉහල මට්ටමක පවතී නම් ප්‍රාග්ධන අගයට වඩා වැඩි වෙළඳ අගයක් එහි කොටස්වලට ඇති අතර එහි කාර්යක්ෂමතාව පහල මට්ටමක පවතීනම් ප්‍රාග්ධන අගයට වඩා පහල අගයක් කොටස්වලට වෙළඳපල තුල හිමිවනු ඇත.

වෙනත් විධියකට ප්‍රකාශ කරනවානම් කොටස්වල නාමික අගය (ප්‍රාග්ධනය ලෙස ගිණුම් පොත්වල දැක්වෙන) එහි වෙළඳ අගයට වඩා හාත්පසින්ම වෙනස් සංඛ්යාවකි. නාමික අගය බොහෝ විට ස්ථිතික තත්ත්වයක් ගන්නා අතර වෙළඳ අගය ගතික තත්ත්වයක් ඇතිකර ගන්නා හෙයින් කොටස් වෙළඳපල තුල ආයෝජකයන්ට විවිධ ආයෝජන අවස්ථා නිර්මාණය වෙයි.

ප්‍රාග්ධනය සමගම පෙන්වනු ලබන ඉදිරියට ගෙන ආ ලාභ සහ ලාභ සංචිත ප්‍රාග්ධනයට සමාන ගති ලක්ෂණ ඇති මුත් ඒවා සමාගමේ කොටස් හිම්යනට ඉදිරියේදී ලාභාංශ ගෙවීමේ කටයුතු සඳහා හෝ ප්‍රසාද කොටස් නිකුත් කිරීම සඳහා හෝ නැවත ආයෝජනය කිරීම සඳහා හෝ භාවිත කිරීමට පිළිවණ. එතෙක් මෙම අගය ලාභාංශ සංචිත ලෙස ප්‍රාග්ධනයට සමාන්තරව ගිණුම්වල පෙන්වනු ලැබේ.

කිසියම් සමාගමක බොහෝ ලාභාංශ සංචිත පෙන්නුම් කරන්නේනම් එහි කොටස්වල වෙළඳ අගය නිරායාසයෙන්ම ඉහල මට්ටමක පවතී. සමාගමක ගෙවනලද ප්‍රාග්ධනයෙහි සහ රඳවා තබාගෙන ඇති ලාභාංශ සහ සංචිත වල එකතුව කොටස් හිමියන්ගේ ප්‍රාග්ධනය ලෙස හඳුන්වා දිය හැකිය.

මෙහිදී වෙනත් සංචිත වර්ග එනම් වත්කම් වල ක්ෂය සංචිත, වත්කම් යලි තක්සේරැකිරීමේ සංචිත, බොල්ණය සංචිත ආදිය හාත්පසින්ම වෙනස්වූ සංචිත බවත් රඳවාගත් ලාභාංශ සංචිත හා සමාන නොවන බවත් පැහැදිලිව තේරැම්ගත යුතුය. එවැනි වෙනත් සංචිත ශේෂපත්‍රවල පෙන්වනු ලබන්නේ අදාල වත්කම සමග ඉන් අඩු/වැඩි කර දක්වන වියදමක් ලෙසය. එහෙයින් ලාභාංශ ප්‍රකාශ කිරීමට හෝ ප්‍රසාද කොටස් නිකුත් කිරීම සඳහා හෝ මෙම සංචිත යොදාගනු නොලැබේ.

ශේෂ පත්‍රයක් තුලින් සමාගමක ගිණුම් වර්ෂ අවසන් දිණයේ දී පවත්නා තත්ත්වය හඳුනා ගතහැකි බව උක්ත සාකච්ජාවෙන් දුටිමු. මෙය එක් දිනක වත්කම් වගකීම් තත්ත්වය, වසරතුල වපාපාරික ලාභ අලාභ තත්ත්වය සහ කොටස් හිමියන්ගේ ප්‍රාග්ධණය සාරාංශ කොට දැක්වෙන ලියවිල්ලකි.

ඉන් වසර තුලදී සමාගමෙහි කාර්යසාධකතාව විස්තරාත්මකව නොදැක්වෙන හෙයින් ඇතැම්විට කියවන්නන් නොමග යාමට ද ඉඩ ඇත. ඇතැම් විට එවැනි සටහන් ශෙෂපත්‍රවල සිතාමතාම සටහන් වන අවස්තා නැත්තේ නොවේ. එවැනි අනිසි ගණකාධිකරණ පරිචය කවුලු සැරහුම් (Window Dressing) ලෙස හඳුන්වනු ලැබේ.

උදාහරණ වශයෙන් වත්කම් අසාමාන්‍ය ලෙස යලි තක්සේරැ කිරීම (Excessive revaluation of Assets) සහ මුදලු අයකර ගැනීම පිළිබඳ කිසිදු තහවුරැවක් නොමැතිව ලැබිය යුතු පොලී (Accrude Interest) වශයෙන් කිසියම් වත්කමක ප්‍රාග්ධන වියදම් පෙන්වීම දැක්විය හැකිය. මෙවැනි අනිසි පරිචය ආයෝජකයන් නොමග යවන සුලු හෙයින් පරෙස්සම් විය යුතුය. මෑතකදී කොටස් වෙළද පලට හදුන්වාදුන් සහ මූලික කොටස් නිකුතු කල ඇතැම් සමාගම් තම වත්කම් විශාල ලෙස යලි තක්සේරැකොට එමගින් ඇති කරන ලද සංචිත ප්‍රාග්ධන ගත කරමින් ප්‍රසාද කොටස් නිකුත් කර තිබූ අවස්ථා අනාවරනය විය. අවාසනාවකට මෙන් නියාමන ආයතන මෙහිදී නොසැලකිලිමත් ලෙස කටයුතු කරමින් මෙම හදුන්වාදීම් සහ මූලික කොටස් නිකුතු අනුමත කර තිබිණ. අදාල ගිණුම් ආදිය නිසි පරීක්ෂාවකට ලක් නොකොට සමාගම සහ නියාමන ආයතන කෙරෙහි පමණක් විශ්වාසය තබමින් එවැනි කොටස් මිලදී ගන්නන්ට බොහෝවිට ාඩු සිදු විය. මේ ගැන අප පරෙස්සම් විය යුත්තේ එහෙයිනි.

එහෙයින් කිසියම් සමාගමක ව්‍යාපාරික සෞඛ්‍යය නිසිලෙස හඳුනා ගැනීමට නම් ශෙෂ පත්‍රය විමර්ශණාත්මකව හැදෑරිය යුතු අතර ඒ සමගම අනෙකුත් ගිණුම් ලේඛණ පිළිබඳව ද විමර්ශනාත්මක අවබොධයක් ලබාගැනීමද අවශ්‍ය වෙයි. එහෙයින් සමාගමෙහි ලාභ අලාභ තත්ත්වය ඉහල හෝ පහල යන්නේද යන්න පරීක්ෂා කිරීම සඳහා ආදායම් වියදම් පෙන්වන ලාභ අලාභ ගිණුම් මුදල් ප්‍රවාහ ප්‍රකාශ ආදියද පරීක්ෂා කල යුතු වෙයි.

nihal123

nihal123
Manager - Equity Analytics
Manager - Equity Analytics
LSE & nihal
ඔබගේ දිරිගැන්වීම් අගයමි. දොරට වැඩීමේ උත්සවයක් තිබිබොත් එන්න කියන්නම්


bounce bounce bounce 

දිගටම ඉදිරියට යන්න

ඔබට ස්තුතියි සර්

Sponsored content


Back to top  Message [Page 3 of 6]

Go to page : Previous  1, 2, 3, 4, 5, 6  Next

Permissions in this forum:
You cannot reply to topics in this forum