would enable you to enjoy an array of other services such as Member Rankings, User Groups, Own Posts & Profile, Exclusive Research, Live Chat Box etc.. 
Home
LANKA CENTURY INVESTMENTS PLC හි සෙසු කොටස් මිළදි ගැනිම සදහා Taprobane Holdings PLC සමාගම විසින් ස්වේච්ඡා අර්පණයක් ඉදිරිපත් කර ඇතැයි කොළඹ කොටස් වෙළෙඳ පොළ වෙත එම සමාගම දන්වා සිටි.
මේ අනුව කොටසක් රුපියල් 11 බැගින් මෙම මිළදි ගැනිම සිදු කරන බව සදහන්ය.
මෙයට අදාලව අප මාර්තු 13 දා පළ කළ පුවත පහළ පළ වේ.
Capital TRUST කොටස් තැරුවිකාර සමාගම හිමි තුෂාන් වික්‍රමසිංහ සතු Capital TRUST Partners හි සම්පුර්ණ හිමිකම රුපියල් මිලියන 65 කට Taprobane Holdings PLC සමාගම විසින් මිළදි ගැනිම පිළිබඳව අද කොළඹ කොටස් වෙළෙඳ පොළ වෙත නිවේදනය විමත් සමඟම Taprobane Holdings Ltd හි LANKA CENTURY INVESTMENTS PLC(GREG.N0000) සමාගමේ සෘජු හා වක්‍ර හිමිකම අද වන විට සියයට 45 ක් පමණ දක්වා ඉහළ නැංවෙන බව එහි වෙළෙඳ පොළ දත්ත විශ්ලේෂණයේදි තහවුරු වේ.
LANKA CENTURY INVESTMENTS PLC හි පසුගිය දෙසැම්බර් 31 ගිණුම් වාර්තා අනුව එහි සියයට 28.91 ක හිමිකම Taprobane Holdings Ltd නම් සමාගමක් සතුවත් සියයට 14.64 ක් හෙවත් කොටස් මිලියන 51 ක හිමිකම Capital TRUST Partners සතුවද තිබි ඇත.
පවත්නා තත්ත්වයන් යටතේ Taprobane Holdings Ltd විසින් LANKA CENTURY INVESTMENTS PLC හි සෙසු කොටස් මිළදි ගැනිම සදහා අනිවාර්ය අර්පණයක් සිදු කළ යුතුද?නැද්ද ? යන්න පිළිබඳව කොමිෂමේ පණතේ Take-overs and Mergers Code 1995, as amended in 2003. අනුව පසුව ප්‍රකාශයක් කරන බව මේ පිළිබඳව රන්දොර කළ විමසිමකට පිළිතුරු දෙමින් ශ්‍රී ලංකා සුරැකුම්පත් හා විනිමය කොමිෂමේ ප්‍රකාශකයෙකු පැවසිය.
මෙම Take-overs and Mergers Code 1995, as amended in 2003 අනුව,සමාගමක අයිතිය සියයට 29 ක් ඉක්මවන තැනකදි අදාල පාර්ශ්වය අනිවාර්ය අර්පණයක් සිදු කල යුතුව ඇත.
මෙම අනිවාර්ය අර්පණය වලක්වා ලිම සදහා Taprobane Holdings ltd විසින් LANKA CENTURY INVESTMENTS PLC හි අයිතිය සියයට 28.91 ක මටිටමකත් අනික් වැඩිම කොටස් කරු වන කැලිඩෝනියම් නම් අරමුදල සියයට 27.72 ක මටිටමකත් මේ දක්වා ස්වකිය හිමිකම් පවත්වා ගෙන ගොස් ඇත.
අද Taprobane Holdings PLC කොළඹ කොටස් වෙළෙඳ පොළ වෙත නිවේදනය කළේ Capital TRUST Holdings (Pvt) Ltd හි පුර්ණ අනුබද්ධ ආයතනයක් වන Capital TRUST Partners හි කොටස් මිලියනයක් හෙවත් එහි සමිපුර්ණ හිමිකම රුපියල් මිලියන 65 කට තම සමාගම මිළදි ගෙන ඇති බවයි.
මෙම Capital TRUST Partners සතුව LANKA CENTURY INVESTMENTS PLC හි කොටස් මිලියන 60 ක්,ජෝන් කීල්ස් කොටස් 702,556 ක් හා එහි කොටස් බලපත්‍ර 0022 න් බලපත්‍ර 657,571ක් හා 0023 න් කොටස් බලපත්‍ර 250,189 ක් සතු වන බවද මෙම නිවේදනයේ සදහන්ය.
ඒ සමගින් Taprobane Holdings PLC විසින් රුපියල් මිලියන 893 ක ණය පහසුකමක් Capital TRUST Partners විසින් එහි මව් සමාගම වු Capital TRUST Holdings (Pvt) Ltd වෙතින් ලබා ගත් ණය පහසුකමක් පියවිම වෙනුවෙන් Capital TRUST Partners වෙත ලබා දි ඇති බවද මෙම නිවේදනයේ සදහන්ය.
Capital TRUST Partners සහ Capital TRUST Holdings හි පුර්ණ හිමිකම හා පාලනය මෙම තුෂාන් වික්‍රමසිංහ මහතා සතුව පවති. Capital TRUST කොටස් තැරුවිකාර සමාගමේ සියයට 80 ක හිමිකම ද ඔහු සතු අතරේ සියයට 20 ක හිමිකම ජෝන් කීල්ස් ප්‍රමුඛ කොටස් කාර රූසී කැප්ටන් මහතා සතු වේ.
