would enable you to enjoy an array of other services such as Member Rankings, User Groups, Own Posts & Profile, Exclusive Research, Live Chat Box etc.. 
Home
Sri Lanka JKH June net up 35-pct
නාවික, සංචාරක, ඉඩම්, හා පාරිභෝගික භාණ්ඩ ඇතුළු ව්‍යාපාරික කටයුතු කරන මෙරට ජෝන් කීල්ස් සමාගම් සමූහයේ මේ වසරේ පළමු කාර්තුවේ ශුද්ධ ලාභය ගිය වසරේ අදාළ කාලයට සාපේක්ෂව සියයට 35 කින් වර්ධනය වී රුපියල් බිලියන 1.36 ක් වෙයි.
මේ අනුව, සමාගමේ නවතම ගිණුම් වලින් වාර්තා වන්නේ අදාළ කාර්තුවේදී සමාගමේ කොටසකට අදාළ ලාභය රුපියල් 1.60 ක් වී තිබෙන බවත් මෙහිදී සමාගම් සමූහයේ ආදායම් සියයට 21 කින් වර්ධනය වී රුපියල් බිලියන 16.69 ක්වී තිබෙන බවයි.
කොළඹ වරායේ බහාලුම් පර්යන්තයකද මෙහෙයුම් කටයුතු කරන සමාගමේ ප්‍රවාහන අංශයේ බදු වලට පෙර ලාභය සියයට 07 කින් මෙම කාර්තුවේදී අඩුවී එම අංශයෙන් රුපියල් මිලියන 742 ක ලාභයක් වාර්තා කළ බව ජෝන් කීල්ස් සමාගම් සමූහයේ ප්‍රධානී, සුසන්ත රත්නායක කොටස් කරුවන්ට දැනුම් දී තිබේ.
මෙම තත්ත්වයට හේතුව වූයේ රුපියල අධිප්‍රමාණය වීම බව හෙතෙම වැඩිදුරටත් සඳහන් කර ඇත.
මේ අතර, සමාගමේ සංචාරක අංශයේ බදු වලට පෙර ලාභය මේ කාලයේදී රුපියල් මිලියන 374 ක් දක්වා ඉහළ ගොස් තිබෙන අතර ගිය වසරේ අදාළ කාලයේදී වාර්තා කර තිබුණේ රුපියල් මිලියන 14 ක පාඩුවකි.
එසේම, සමාගමේ දේපොළ අංශයේ බදු වලට පෙර ලාභය රුපියල් මිලියන 85 ක්වී ඇති අතර එම අංශයේ ලාභය සියයට 21 කින් අඩුවී තිබීම කැපී පෙනේ.
රත්නායක මහතා වැඩිදුරටත් පවසා තිබෙන්නේ සමාගමේ පාරිභෝගික භාණ්ඩ අලෙවි අංශයේ බදු වලට පෙර ලාභය මේ කාලයේදී සියයට 22 කින් වැඩිවී රුපියල් මිලියන 207 ක්වී තිබෙන බවයි.
සිය සුපිරි වෙළඳ සැල් ජාලය පසුගිය මාස හත තුළදී සමාගම විසින් අළුතින් වර්ග අඩි 60,000 කින් පුළුල් කර ඇත.
සමාගමේ මූල්‍ය සේවා අංශයේ ලාභය නේෂන් ට්‍රස්ට් බැංකුවේද සහායෙන් මේ කාර්තුවේදී සියයට 12 කින් වැඩිවී එම ප්‍රමාණය රුපියල් මිලියන 422 ක් දක්වා ඉහළ ගොස් තිබේ.
vimasuma.lk
