would enable you to enjoy an array of other services such as Member Rankings, User Groups, Own Posts & Profile, Exclusive Research, Live Chat Box etc.. 
Home
කොළඹ කොටස් වෙළෙඳපොළ අද (12) දිනයේ ද දරුණු කඩා වැටීමකට ලක්වූ අතර එහිදී සියලු කොටස් මිල දර්ශකය ඒකක 184.97 කින් පහළ ගොස් ඒකක 5,019.55 ක් සහ S&P SL20 දර්ශකය ඒකක 112.11 කින් පහළ ගොස් ඒකක 2,293.69 ක් වශයෙන් සටහන් විය. මෙය පෙර දිනයට සාපේක්ෂව පිළිවෙලින් 3.55% ක හා 4.66% ක පහළ යාමකි.
මේ අතර අද පෙරවරු 11.44ට S&P SL20 දර්ශකය පෙර දිනයට සාපේක්ෂව 5% ක් ඉක්මවා පහළ යාම හේතුවෙන් දෛනික ගනුදෙනු මිනිත්තු 30 කට අත්හිටුවනු ලැබීය. S&P SL20 දර්ශකය මෙලෙස කඩාවැටීම හේතුවෙන් මෙම සතිය තුළ කොටස් ගනුදෙනු අත්හිටුවනු ලැබූ දෙවන අවස්ථාව මෙයයි. මීට පෙර පසුගිය අඟහරුවාදා (10) පෙරවරු 9.42 සිට පෙරවරු 10.12 දක්වා පැය භාගයක කලාය තුළද මෙයාකාරයෙන්ම ගනුදෙනු අත්හිටුවනු ලැබුණි.
මේ අතර අද දින ගනුදෙනු අවසානයේ දී කොටස් වෙළෙඳපොළ ප්‍රාග්ධනීකරණය රුපියල් බිලියන 2,333.33 ක් වශයෙන් වාර්තා විය. කෙසේ වෙතත් පසුගිය අඟහරුවාදා (10) ගනුදෙනු ආරම්භ වූයේ කොළඹ කොටස් වෙළෙඳපොළ ප්‍රාග්ධනීකරණය රුපියල් බිලියන 2,483.75 ක්ව තිබූ පසුබිමකය. මේ අනුව මාර්තු 10,11 හා 12 යන දින 3 තුළ දී රුපියල් බිලියන 150.42 ක් කොටස් වෙළෙඳපොළෙන් ගිලිහී ගොස් ඇත.
අද දින වර්තා වූ ගනුදෙනු පිරිවැටුම රුපියල් මිලියන 514.43 කි. එහෙත් අද දිනයේ ගනුදෙනු සඳහා විදෙස් ආයෝජකයන්ගේ දායකත්වය පැවතියේ ඉතාමත් පහළ මට්ටමකය. ඒ අනුව අද දිනය තුළ විදේශීය මිල දී ගැනීම් රු. මිලියන 23.62 ක් හා විදේශීය විකිණුම් රු. මිලියන 29.84 ක් ලෙසින් වාර්තා විය.
http://biz.adaderana.lk/%e0%b6%af%e0%b7%92%e0%b6%b1-3%e0%b6%9a%e0%b7%8a-%e0%b6%ad%e0%b7%94%e0%b7%85-%e0%b6%bb%e0%b7%94-%e0%b6%b6%e0%b7%92%e0%b6%bd%e0%b7%92%e0%b6%ba%e0%b6%b1-150-%e0%b6%9a%e0%b7%8a-%e0%b6%9a%e0%b7%9c/
and now times will come recover market 
, investor hope 
good thing upcoming month. 
