would enable you to enjoy an array of other services such as Member Rankings, User Groups, Own Posts & Profile, Exclusive Research, Live Chat Box etc.. 
Home
කොළඹ කොටස් වෙළෙඳපොළේ අද (08) දිනයේ දී කැපී පෙනෙන කාර්යසාධනයක් වාර්තා කරමින් සියලු කොටස් මිල දර්ශකය පෙර දිනයට සාපෙක්ෂව ඒකක 171.32 ක වර්ධනයක් වාර්තා කළේය. මෙය 3.09% ක දැවැන්ත වර්ධනයක් වන අතර දිනය අවසානයේ දී සියලු කොටස් මිල දර්ශකය ඒකක 5,724.54 ක් ලෙසින් සටහන්ව තිබිණ.
මේ අතර දිනයේ ගනුදෙනු පිරිවැටුම රු. බිලියන 2.9ක් ලෙසින් සටහන් වුණු අතර ඒ සඳහා ජෝන් කීල්ස් ඩෝල්ඩිංග්ස් පීඑල්සී හි රු. මිලියන 786.44 ක සමස්ත වටිනාකමකින් යුතු ගිවිසාගනු ලැබූ (Crossing) ගනුදෙනු කිහිපයක් වැඩි දායකත්වයක් ලබා දෙන ලදී. මෙහිදී රු. 130.00 - රු. 131.50 දක්වා මිල පරාසයන්වල කොටස් මිලියන 5.98 ක් ගිවිසා ගත් ගනුදෙනු ලෙසින් හුවමාරු විය.
මීට අමතරව සාමාන්‍ය ගනුදෙනු හරහා දෛනික පිරිවැටුමට වැඩි දායකත්වයක් ලබාදීමට එක්ස්පෝලංකා හෝල්ඩිංග්ස් කොටස් ගනුදෙනු හේතුවිය. රු. මිලියන 541.42 ක වටිනාකමකින් යුතු එක්ස්පෝලංකා කොටස් අද දින ගනුදෙනු වූ අතර ඊට අමතර ජෝන් කීල්ස් හෝල්ඩිංග්ස් (රු. මිලියන 171.94), ටෝක්යෝ සිමෙන්ට් - ඡන්ද බලය රහිත (රු. මිලියන 128.01) හා ටෝක්යෝ සිමෙන්ට් - ඡන්ද බලය සහිත (රු. මිලියන 121.12) ක් වශයෙන් රු. මිලියන 100 ඉක්මවූ ගනුදෙනු වාර්තා කළ සමාගම් කොටස් විය.
